Aqtaýda 6 mamyrda saǵat 17:00 shamasynda joǵalyp ketken 4 jastaǵy Qaırat 16 saǵattan soń tabyldy, - dep xabarlaıdy QazAqparat.

4 jastaǵy Qaırat tańǵy 4:30 shamasynda ózi turatyn úıdiń 7-qabatyndaǵy páterlerdiń birinen tabylǵan.

Turǵyndar, erikti jastar, barlyǵy 500-ge jýyq adam balany jabyla izdegen bolatyn. Bala joǵalyp ketken 22-úıdiń mańyndaǵy úıler, bos jatqan jerler, qoqys jáshikteri qaralǵan.

Eriktiler sol mańdaǵy dúkenderdiń biriniń beınekamerasynan 4 jastaǵy Qaırattyń ózi turatyn úıge kirip, sodan shyqpaǵanyn kórgen.

Kýágerlerdiń aıtýynsha, túngi 1-den bastap, 22-shi úıdiń árbir páteriniń turǵyny shyǵarylyp, polıseıler jeke-jeke izdestirý jumystaryn júrgizgen.

7-qabatqa kelgende bir páter ıesi esigin ashpaıdy. Úı ıesi joldasynyń syrtynan kilttep, jumysqa ketkenin aıtady. Aqyry, úı ıesi shaqyrtylyp, esik ashylady. Bala sol páterdiń ishinde eken. Qazir búldirshinniń qalaı ol páterge kirgeni tekserilip jatyr.