Búginde Almaty qalasynda balabaqshaǵa kezekte turǵan 64 315 bala bar. Bul jaıynda Qamshy.kz aqparat agenttigi Informburo.kz saıtyna silteme jasap habarlaıdy.

Almaty qalasynyń Bilim basqarmasy balalardy balabaqshaǵa elektrondy túrde kezekke qoıýdyń sharttaryn kórsetti. Bıyl 15 mamyrdan bastap balabaqshalarǵa kezekke turý elektrondy úrde júzege asatyn bolady.

Jańa avtomattandyrylǵan júıege kóshi saldarynan balabaqshalarǵa kezekke turý úshin myna siltemege ótý qajet: balabaqsha.open-almaty.kz

Bul memlekettik qyzmet túrin alýshylar úshin tómendegideı sharttar oryndalýy tıis:

HQKO-dan elektrondy-sıfrlyq qoltańba alyp, sol arqyly kórsetilgen siltemege ótip óziniń jeke kabınetine kiredi;

Jeke kabınetinde baılanys nomerin nemese elektrondy poshtasyn qaldyrady. Keıinnen kórsetilgen nómirge nemese poshtaǵa kezegi kelgeni jaıynda aqparat jiberiletin bolady;

Qarasha jáne jeltoqsan aıynda týylǵan balalardy avtomatty túrde kelesi jylǵa kezekke qaldyrady;

Elektrondy júıede tek bos oryndary bar memlekettik jáne jekemenshik balabaqshalar kórsetiledi;

Joldamany alýdyń merzimi – úsh jumys kúni.

Basymdylyqqa qol jetkizý úshin bólingen ýaqyttan keıin bos oryndar paıda bolsa, basqarý júıesi barlyq úmitkerlerge qoljetimdilikti ashady.

Joldamany alǵannan keıin ata-analar tańdalǵan bala-baqshaǵa bes jumys kúniniń ishinde habarlasýy qajet.

Qandaı da bir máseleler týyndasa 1308, 8 727 338 33 88, 8 727 262 21 15 nómirlerine habarlasa alady nemese sp.ddoalmaty@gmail.com elektrondy poshtasy arqyly baılanysqa shyǵa alady.

Aıta keteıik, Almaty qalasynyń bala-baqshalarynda biryńǵaı elektrondy kezekke turý júıesi iske qosylǵan bolatyn. Egov portalynyń durys jumys jasamaýy saldarynan balabaqshalardaǵy jazba bir apta jumys jasamaı turdy.