- Iá, bul másele kún tártibinde boldy. Kelerden buryn elektrondy poshtamyzǵa tutqyndarǵa baılanysty hattar kóptep tústi. Qazaqstannyń bas prokýratýrasynan Maks Boqaev, onyń densaýlyǵy, Talǵat Aıan týraly jaýap alyp, 11 mamyrda prokýratýra ókilderimen kezdesetin boldyq, - dedi Iveta Grıgýle.

Sonymen birge, Iveta Grıgýle Eýroparlament "Qazaqstandaǵy saıası tutqyndardy bosatý talabyna qalaı septese alatyny" jaıly da jaýap berdi.

- Osy suraqty Májiliste kóterdik. 11 mamyrda taǵy da prokýratýrada kóteremiz. Elshiligimiz osy suraqqa baılanysty kúnde jumys isteıdi. Mynany iste dep eshkimdi tyǵyryqqa tireı almaımyz. Óz tájirıbemizben bólisip, dáleldeýge tyrysamyz. Al úıretip, májbúrleı almaımyz, - dedi Iveta Grıgýle.

10 mamyrda Qazaqstannyń Astana men Almaty bar birneshe qalasynda narazylyq sharalary ótken. Jıylǵan jurt saıası tutqyndardy bosatýdy, túrmedegi azaptaýdy toqtatýdy talap etken. Polısıa ondaǵan adamdy ustap áketken.