Armenıanyń sońynan 11 mamyrda Ýkraına Joǵarǵy Radasy «Jeńis kúnin» 8 mamyrǵa aýystyrdy. Zań jobasyn parlamentke depýtat Andreı Denısenko usynǵan.  Parlament saıtynda jarıalanǵandaı, keshe ǵana usynylǵan zańǵa ózgeris búgin maquldandy. Ári merekelik kún ataýyn «Eýropada nasızmdi Jeńis kúni jáne Eske alý men Kelisim kúni» dep ataǵan.

Aıta ketetin bolsaq, 8 mamyrda Armenıa Parlamenti Premer-mınıstr etip saılaǵan opozısıa ókili Nıkol Pashınán 9 mamyrdaǵy Jeńis kúni merekesin 8 mamyrǵa aýystyryp, Aza tutý jáne bitisý kúni dep ataýǵa jarlyq shyǵarǵan bolatyn.

«Jeńis kúni» atalatyn merekelik datanyń ýaqyty Ekinshi dúnıejúzilik soǵysta SSSR men fashısik Germanıa arasyndaǵy Kapıtýlásıaǵa qol qoıylǵan ýaqyt Máskeý ýaqytymen 9 mamyr túngi bir. Reıms jergilikti ýaqytymen 8 mamyr keshki 11.

Eske salsaq, Qazaqstanda jyl saıyn «Jeńis kúni» sherýi ótip, Soǵys qurbandaryna arnalǵan eskertkishterge gúl shoqtary qoıylyp turady. Al 2014 jyldan bastaý alǵan «Ólmes polk» sherýine bıyl Qazaqstannyń qalalarynan jalpy sany 100 myńdaı adam qatysqany aıtyldy. Ózderiniń soǵysqa qatysqan týystarynyń portretterin alyp, kóshelerde sherý ótkizýdi qoldamaıtyndar da bar. Mysaly Bıyl Tájikstanda «Máńgi ólmes polk» sherýi ótpedi. Ekinshi dúnıejúzilik soǵys kezinde qaza tapqandardy eske alý sharasyna Dýshanbe qalasynyń bıligi ruqsat bermegen.