Deneshynyqtyrý sabaǵynyń ýaqytynda sportshy oqýshylar basqa sabaǵyna kóńil bóle alady, dep jazady Qamshy.kz aqparat agenttigi Informburo.kz saıtyna silteme jasap.

Sportshy oqýshylar deneshynyqtyrý sabaǵynan bosatylmaq. Ol úshin ata-analar rastaıtyn qujattardy jınap, mektep basshylyǵyna ótinish berýi qajet. Bul jaıynda QR Bilim jáne Ǵylym mınıstri Erlan Saǵadıev Ortalyq Komýnıkasıalar qyzmetinde ótken brıfıńte málimdedi.

Onyń aıtýynsha, sportshy oqýshylardy deneshynyqtyrý sabaǵynan bosatý týraly naqty sheshim múǵalimder keńesimen qabyldanady.

«Aptasyna úsh saǵattan asa kásibı sportpen aınalysatyn oqýshylardy deneshynyqtyrý sabaǵynan bosatý týraly birazdan beri aıtylyp júr. Biz kóptegen ata-analardyń ótinishi boıynsha sheshim qabyldap otyrmyz. Endi kásibı sportpen aınalysatyn oqýshylar muǵalimder keńesiniń sheshimi boıynsha mekteptegi deneshynyqtyrý sabaǵynan bosatylatyn bolady», - dep aıtty mınıstr.

Erlan Saǵadıev deneshynyqtyrý sabaǵynan bosatylǵan oqýshylar ol ýaqytta basqa pán boıynsha bilimin arttyratynyn basa aıtyp ótti.

Mınıstr, sonymen qatar, mektep baǵdarlamasyndaǵy deneshynyqtyrý pániniń úshinshi saǵaty alynbaıtynyn habarlady.

«Áleýmettik jelilerde jańa oqý jylynan bastap deneshynyqtyrý pániniń úshinshi saǵaty qysqartylatyny jaıly aıtylyp júr. Alaıda bizde ondaı josparlar bolǵan joq, ol týraly zańda jazylmaǵan», - dedi Erlan Saǵadıev.