«Habar» agenttigine jańa basshy taǵaıyndaldy, dep habarlaıdy Qamshy.kz aqparat agenttigi.

Burynǵy aqparat jáne komýnıkasıalar vıse-mınıstri Alan Ájibaev «Habar» agenttigine basshy qyzmetine taǵaıyndaldy.

Bul ýaqytqa deıin agenttikti Almagúl Ahmetjanova eki jyl basqarǵan bolatyn.

Alan Ájibaev 1974 jyly 22 qańtarda Almaty qalasynda dúnıege kelgen. 1996 jyly Abaı atyndaǵy Almaty memlekettik ýnıversıtetin bitirgen. 1994 jylǵy tamyz aıynan 1995 jylǵy qyrkúıek aıyna deıin "Maks" teleradıokompanıasynda radıojúrgizýshi bolyp jumys istegen. 1995 jylǵy qyrkúıekten 1997 jylǵy tamyz aıyna deıin "31 arna" teleradıokompanıada tele-radıojúrgizýshi bolyp qyzmet etti. 1997 jylǵy qyrkúıek aıynan bastap 1998 jylǵy qyrkúıek aıyna deıin "Teleradıokompanıa "City" JSHS baǵdarlamalyq dırektory boldy. 1999 jylǵy aqpannan 1999 jylǵy qyrkúıek aıyna deıin "Karavan radıosynyń" dırektory. Keıinirek jeke kásipkerlikpen aınalysqan.

2008 jylǵy aqpan aıynan bastap 2010 jylǵy qańtarǵa deıin "Tań" Teleradıokompanıasy" JSHS-ynda bas prodúser bolyp eńbek etti. 2009 jylǵy jeltoqsan aıynan bastap 2012 jylǵy mamyr aıyna deıin - "Tengrı FM" radıosynyń bas prodúseri. 2012 jylǵy maýsym aıynan 2014 jylǵy qańtar aıyna deıin "SKYMAX MEDIA" JSHS bas dırektory. 2014 jyldyń aqpan aıynan 2016 jyldyń tamyz aıyna deıin "Aıqyn" jáne "Lıter" qoǵamdyq-saıası gazetteriniń dırektory. Medıanaryqtaǵy jumys ótili - 20 jyl, onyń ishinde basshylyq qyzmette 10 jyl eńbek etken.

2016-2008 jyldary Qazaqstan Respýblıkasynyń aqparat jáne komýnıkasıalar vıse-mınıstri laýazymyn atqardy. Qazaqstan Respýblıkasy Syrtqy ister mınıstrliginiń janyndaǵy Qoǵamdyq keńestiń múshesi. «Nur Otan» partıasynyń múshesi.