Brıtanıanyń Sheffıld qalasynda "Astana Arlans" jáne "British Lionhearts" komandalary arasynda Búkilálemdik boks serıasynyń birinshi jartylaı fınaldyq machy aıaqtaldy.

Boks keshin alǵashqy bolyp bastaý 49 kılogramm salmaq dárejesindegi Temirtas Júsipov pen Galal Iafaýǵa buıyrdy. Tóreshiler jeńisti 2:1 esebimen Galal Iafaýǵa berdi.

56 kılogramm salmaqta arlandardyń namysyn İlıas Súleımenov qorǵady. Ol qarsylasy brıtandyq Naıl Dın Farellmen alańda atoı salyp, 3:0 esebimen aıqyn basymdyqpen jeńdi.

Jergilikti boksshy Dalton Grantpen 64 kılogramm salmaqta qolǵap túıistirgen Dilmurat Mijitov tóreshilerdiń sheshimimen alǵa ozyp, arlandarǵa ekinshi jeńisti alyp berdi.

Orta salmaqtaǵy Ábilhan Amanqul brıtandyq Djordon Reınoldspen kúsh synasyp, alǵa ozdy. Amanquldyń jetistigi qazaqstandyq komandaǵa «British Lionhearts» komandasynan 3:1 esebinde basym túsip, alǵashqy jartylaı fınaldyń jeńisin syılady.

Aýyr salmaqtaǵy Arbek Ábdiǵanıev sharshy alańda Chevon Klarkpen qolǵap túıistirdi. Nátıjesinde bizdiń arlan brıtan boksshysyna ese jiberip aldy.

Osylaı «Astana Arlans» birinshi jartylaı fınalda «British Lionhearts» komandasy 3:2 esebimen utty.

Qos komanda arasyndaǵy ekinshi jartylaı fınal 26 mamyrda Atyraý qalasynda ótetinin esterińizge salamyz.