Jahandyq syn-tegeýrinderdi syn-tezine alǵan Astana ekonomıkalyq forýmynyń alańynda Batys Qazaqstan oblysyndaǵy mal bordaqylaıtyn oryn jáne et kombınatyn jandandyrý boıynsha memorandýmǵa qol qoıyldy. Bul týraly Qamshy.kz aqparat agenttigi tilshisi habarlaıdy.

Forýmy aıasynda búgin 10 iri joba boıynsha memorandýmdar men jol kartalary bekitildi. Onyń ishinde Túrkistandaǵy túıe men bıe sútin óńdeıtin zaýyt pen Petropavldaǵy tehnıka qurastyrý kásipornyn salý sekildi iri jobalar bar. Forým aıasynda budan bólek, Eýrazıalyq odaq pen Qytaı jáne Iran arasyndaǵy erkin saýda aımaǵy týraly kelisimderge qol qoıyldy.

Qol qoıý rásimine oblys ákimi Altaı Kólginov, «Dunbia» kompanıasynyń negizin qalaýshysy Robert Djon Dobson (Ulybrıtanıa), «QazAgro» ulttyq basqarýshy holdıńi» AQ basqarma tóraǵasy Nurlybek Malelov men «Qazaqstan et odaǵynyń» JKZTB-niń bas dırektory Maqsut Baqtybaev qatysty.

Oblys ákimi aýyl sharýashylyǵy, ásirese mal sharýashylyǵy damýyndaǵy aımaqtyń áleýeti óte joǵary ekenin atap ótti.

«Biz «Crown Batys» mal bordaqylaý keshenin qalpyna keltirý boıynsha jumystar júrizetin bolamyz. Investor aımaqqa qarjy quıady, biz et jáne et ónimder naryǵyn damytý men eksportqa shyǵarý úshin barlyq jaǵdaı jasaımyz»,- dedi Altaı Kólginov.

Atalǵan shara QR Aýyl sharýashylyǵy mınıstrliginiń qoldaýymen ótti.

Aıtak ketsek, «Dunbia» qyzyl et ónimderin qaıta óńdeý boıynsha jetekshi kompanıalardyń biri, onyń ishinde bólshek jáne kóterme saýdada sıyr eti, qoı eti men shoshqa etin óndirý, jergilikti, ulttyq jáne halyqaralyq deńgeıde tamaqtandyrýmen aınalysady. Atalǵan kompanıaǵa Ulybrıtanıa men Irlandıa elderinen 25 kásiporyn kiredi, onda 1 mıllıonnan astam iri qara mal jáne 3 mıllıonnan astam qoı bar. Óndiriste 30 myńnan astam fermer jáne 7 myń adam jumyspen qamtylǵan. Kompanıa álemniń ártúrli elderinde 50-den astam ókildikteri bar. Kásiporyn turaqty ekonomıkalyq ósimdi kórsete otyryp, olardyń aınalym qarajaty 2 mlrd. evrony quraıdy. Dunbia eýropalyq naryqqa joǵary sapaly ónim jetkizýshi bolyp tabylady, onyń ishinde «McDonalds», «Tesko», «Spar», «M&S» iri saýda jelilerimen jumys jasaıdy. Sondaı-aq, kompanıa agroónerkásiptik keshende mamandar daıyndaıtyn eýropalyq ýnıversıtettermen, sonyń ishinde kompanıa úshin granttarmen jumys isteıdi. «Dunbia» kompanıasy óz ónimderin jaqsartý úshin ǵylymı zertteýler men ázirlemelerdi arttyrý jumystaryn belsendi túrde ınvestısıalaıdy. Negizgi baǵyty tuqymdardy asyldandyrý, turaqtandyrý rejımi men rasıonǵa arnalady.