Qoǵamdyq densaýlyq saqtaý departamenti qyzyl túske boıalǵan Úlken Almaty ózenine qatysty pikir bildirdi. Mamandardyń aıtýynsha, zertteý jumystary úshin analız jasalǵan.

«Saǵat tańǵy 8-de ózenniń mańyn aralap shyqtyq. Biraq qyzyl túske boıalǵanyn baıqamadyq. Sonda da ózenniń basynan aıaǵyna deıingi aralyqta analız júrgizdik. Qazirgi ýaqytta vıdeonyń avtorymen baılanysýǵa tyrysyp jatyrmyz. Vıdeo feık bolmasa, túpkilikti tekseremiz. Ózen mańyndaǵy barlyq obektiler tekserilip jatyr. Erteń sýdaǵy sanıtarlyq-hımıalyq qospanyń zertteý nátıjesi belgili bolady, al sýdaǵy bakterıalyq qospanyń nátıjesi úsh kúnnen soń belgili bolady», - dedi qoǵamdyq densaýlyq saqtaý departamentiniń basshysy Aızat Moldaǵasymova.

Aıta keteıik, budan buryn áleýmettik jelide Almaty turǵyny Úlken Almaty ózeniniń qyzyl túske boıalǵan vıdeosyn jarıalaǵan.