Ońtústik Qazaqstannyń oblysynyń ákimi Janseıit Túımebaev Shymkent qalasyndaǵy abattandyrý jumystarymen tanysty. Bul jaıynda Qamshy.kz aqparat agenttigi OQO ákimdiginiń baspasóz qyzmetine silteme jasap habarlaıdy.

Áýeli «Nursát» shaǵynaýdanyndaǵy jańa saıabaqtyń qurylysyn qadaǵalady. Qazirgi tańda gúlzarda shynar, talshyn jáne qaıyń aǵashtary egilýde. Aldaǵy ýaqytta oryndyqtar men jaryqshamdar, rotondar ornatylyp, san alýan gúl túrleri egiledi. Gúlzardyń jalpy alańy 2 gektar aýmaqqa jýyqtaıdy. Sondaı-aq, demalys aýmaǵynda shaǵyn sáýlettik qurylymdar men balalardyń oıyn alańshalaryn salý da josparlanǵan.

Keıin óńir basshysy Beket batyr kóshesindegi jańa arbattyń qurylys jumystarynyń jaıyna qanyq boldy. Onyń jalpy uzyndyǵy 900 metr. Arbat bolashaqta shymkenttikter men shahar qonaqtarynyń súıikti ornyna aınalmaq. Túrli mádenı sharalar uıymdastyrylyp, ulttyq áshekeı men kádesyılar satylatyn bolady.

Qaladaǵy sapar Qoshqar ata ózeni boıyndaǵy abattandyrý jumystarymen tanysýmen jalǵasty.   Búginde  ózenniń 1,6 shaqyrym jerine abattandyrý jumystary júrgizilýde. Sondaı-aq, aýmaqta ózen boıy tazartylyp, jaǵasyna túrli sándik aǵashtar egilip, aıaqjoldar men shamdar ornastyrylady.      

Aıta keterligi, Aldaǵy ýaqytta Shymkent qalasy 4 arbatpen jáne 32 gúlzarmen tolyǵatyn bolady.