Komıkster shyǵaratyn Marvel kompanıasy alǵash ret musylman keıipker týraly fılm túsiredi, dep habarlaıdy NME.
Jańa keıipkerdiń esimi – Marvel hanym. Kúndelikti turmysta Kamala Han – pákistandyq qyz. Álemdik problemalarmen qosa, ol óziniń ata-anasymen aradaǵy máselelerdi sheshýde qıyndyqqa urynady. Bul keıipker komıkstarda alǵash 2013 jyly paıda bolǵan. Ol túrli formalarǵa aýysa alatyn qasıetke ıe.
Marvel kompanıasynyń prezıdenti Kevın Faıgı óz suhbatynda jańa keıipker Marvel hanymnyń kıno jelisine jaqynda qosylatynyn aıtady. Naqtyraq aıtqanda, musylman keıipker týraly fılm "Kapıtan Marvel" týyndysynan keıin jaryqqa shyǵatyn bolady.
Pikir qaldyrý