Búgin Ońtústik Qazaqstan oblysyndaǵy «Qajymuqan» cport alańynda qyzmet isteri organdarynyń 20 jyldyǵy mereıtoıy qarsańynda uıymdastyrylǵan spartakıadanyń ashylý saltanaty ótti, dep habarlaıdy Qamshy.kz aqparat agenttigi OQO ákimdiginiń baspasóz qyzmetine silteme jasap.
Jarysqa qatysýshylardy QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń OQO boıynsha departamentiniń basshysy Á.Kómekbaev pen oblys ákimi apparatynyń basshysy Áýelhan Turǵymbekov quttyqtap, sáttilik tiledi.
«Memlekettik qyzmet – árbir memlekettiń qalyptasýy men damýynyń basty negizi ekenin eskersek, Elbasymyz kásibı memlekettik apparat qurýdy kózdegen Ult josparyn engizgeli 3 jylǵa jýyq ýaqyt ótti. 1999 jyly elimizde alǵash ret «Memlekettik qyzmet týraly» Zań qabyldanyp, memlekettik qyzmettiń konkýrstyq modeli qalyptasty. Osydan bastap, memlekettik qyzmet udaıy jetildirilý ústinde. Endigi meje damyǵan 30 eldiń qataryna qosylý bolsa, bul belesti baǵyndyrýǵa joǵary deńgeıli memlekettik apparat qajet. Árbir memlekettiń jarqyn bolashaqqa qaraı jasaǵan qadamy men ilgeri damýy memlekettik qyzmetshilerdiń qyzmetine tikeleı táýeldi. Kásibılikti qamtamasyz etý turǵysynda, memlekettik qyzmetshilerdiń áleýetin damytý úshin barlyq jaǵdaılar jasalýda»,-dedi Á.Kómekbaev.
Sporttyq jarysqa 84 memlekettik organnyń 1200-ge jýyq ákimshilik qyzmetshileri men quqyq qorǵaý qyzmetiniń ókilderi qatysyp, olar voleıbol, shaǵyn fýtbol, gir kóterý, júzý, arqan tartý, ústel tenısi syndy sporttyń 6 túrinen saıysqa túsedi.
Qazirgi tańda oblysymyzda memlekettik qyzmetshilerdiń 50 paıyzǵa jýyǵynyń memlekettik qyzmettegi ótilderi 10 jyldan asady. Osylaısha qyzmetshiler memlekettik qyzmette turaqtanyp, nátıjeli qyzmet atqarýda.
Al mansaptyq modeldiń basty qaǵıdaty - memlekettik qyzmetshiniń jeke sińirgen eńbekteri men jetistikterin moıyndaý bolsa, oblysymyzdaǵy qyzmetshilerdiń mansaptyq ósý deńgeıi 80,5 paıyzǵa jetip otyr. Bul – memlekettik qyzmetshilerdi qyzmet babynda ilgeriletýdegi ashyqtyq pen ádildik qaǵıdattarynyń shynaıy aıǵaǵy.
Sonymen birge, Ult josparyna sáıkes, organdarda aǵymdaǵy jyldyń basynan bastap memlekettik qyzmetshilerdiń eńbegine aqy tóleýdiń pılottyq jańa júıesi engizildi. Dálirek aıtqanda, árbir laýazymnyń memlekettik qyzmet júıesindegi roli men tıimdiligi esepke alyna otyryp, faktorly-balldyq degen shkala boıynsha jalaqy eseptelýde. Buǵan qosa, qyzmetshilerge jyl qorytyndysymen erekshe qosqan úlesteri men jeke bastamalary úshin qomaqty bonýstar tólenedi.
Osylaısha, Elbasymyz memlekettik qyzmettiń mańyzdylyǵyn Ult Josparynyń kásibı apparat qurý baǵytymen odan ári arttyra tústi.
