Shymkentte ashyq konkýrs nátıjesinde 2 mektep dırektory jáne 1 balabaqsha meńgerýshisi taǵaıyndaldy. Konkýrs qaladaǵy Q.Sypataev atyndaǵy №7 mektep-lıseıi, Tıtov atyndaǵy №20, J.Aımaýytov atyndaǵy №64 mektep-gımnazıa dırektorlary men №49 «Jasulan», №50 «Nur-bóbek» bóbekjaı balabaqshalarynyń meńgerýshisin taǵaıyndaý maqsatynda ótkizildi.

Konkýrsqa mektep dırektorlyǵynan 11 úmitker, meńgerýshi laýazymynan 15 úmitker qatysty. Bul úmitkerlerge qoıylǵan talap qatań boldy. Olar eń aldymen ujymdy basqarý ádisin kórsetip, komısıa múshelerine dáleldeý qajet edi.

Konkýrs nátıjesinde №7 mektep-lıseıge Raýshan Álmahanova, №20 mektepke Dármen Dana dırektor bolyp taǵaıyndaldy. №50 "Nur-bóbek" balabaqshasynyń meńgerýshisi laýazymyna Aıdana Sydyqova laıyq dep tanyldy. Al №64 mektep dırektory men №49 balabaqsha meńgerýshisin taǵaıyndaý maqsatynda taǵy da konkýrs ótkizý týraly sheshim qabyldandy.

Mundaı sheshimdi qala ákimi tóraǵalyq etken komısıa músheleri ǵana emes, mektepter men balabaqsha ujymdary, ata-analar komıtetiniń ókilderi birge qabyldady.