Shymkent qalasyndaǵy bilim mekemeleriniń qurylystary boıynsha 2018-2025 jyldarǵa arnalǵan jospar túzildi. Jospar qala boıynsha mektep sanyn kóbeıtý maqsatynda úsh aýysymda bilim beretin mektepterdi jańalaý maqsatynda qolǵa alyndy.

Nátıjesinde 2025 jylǵa deıin Shymkentte 55 mektep ǵımaratyn salý josparlandy. Onyń ishinde 2018 jyly - 8 jańa mektep salyp, 7 bilim oshaǵyn qaıta qurý qurylysyn júrgizý josparlanǵan. Qazirgi tańda 6 jańa mektep salynýda. Olar: Bozaryq shaǵynaýdanynda (900 oryndy), Qyzyljar sh/aýd. (900), Shańyraq sh/aýd. (600), Turan sh/aýd. (1200), ákimshilik-iskerlik ortalyǵyndaǵy mektep (1200), 112-oram (300). Buǵan qosa 4 mektepti qaıta qurý qurylysy júrýde (№76 mektepte qosymsha ǵımarat, №99 mektepte - 300 oryndy ǵımarat, №103 mektepte - 600 oryndy, №115 mektepte - 300 oryndy).

Sonymen qatar Samal-3 shaǵynaýdanyndaǵy №6 emhananyń janynan 1200 oryndy jańa mektep salý josparda bar. Qazirgi tańda jobalyq-smetalyq qujat ázirlengen. Sondaı-aq, №85 mektepti qaıta qurý qurylysy da josparǵa qoıyldy. Taǵy bir jańa mektep (Samal-3 shaǵynaýdanyndaǵy №87 mektepke qarsy bettegi 1200 oryndy mektep) pen 2 qaıta qurý qurylysynyń (№63 mektepke qosymsha ǵımarat, №101 mektepke 300 oryndy qosymsha ǵımarat) jobalyq-smetalyq qujat daıyn.

Al 2019 jylǵa tómendegi qurylys nysandary josparǵa engizilgen:

- 3 jańa mektep (Saıram - 300, Turan - 1200, Asar-2 - 1200) pen 3 qaıta qurý qurylysynyń (№23,109 jáne 120 mektepter) jobalyq-smetalyq qujattary ázirlenýde.

- 4 qaıta qurý qurylysy josparlanǵan (№17,47,46 jáne 84 mektepter).

Sondaı-aq, Tólemetov kóshesi, Aqnıet turǵyn alaptarynda salynatyn 4 jańa mektep qurylysyna jáne №65 pen 79 mektepterge qosymsha ǵımarat qurylystaryna qajetti jer teliminiń máselesi sheshilýde.