«OŃTÚSTİK» aımaqtyq ınvestısıalyq ortalyǵynyń shaqyrýymen ESKATO BUU Departament basshysy, Nobel syılyǵynyń laýreaty Rae Kvon Chýng Ońtústik Qazaqstan oblysyna jumys saparymen keldi. Sapar aıasynda oblys ákiminiń orynbasary E.Tasjúrekov jáne «OŃTÚSTİK» AIO Basqarma tóraǵasy Q.Baıtóremen kezdesýler uıymdastyryldy. Kezdesý barysynda aımaqtyq ınvestısıalyq ortalyq usynǵan Túrkistan qalasyndaǵy «jasyl tehnologıalar» negizindegi jobalardy iske asyrý barysy talqylandy. Bul jaıynda Qamshy.kz aqparat agenttigi OQO ákimdiginiń baspasóz qyzmetine silteme jasap habarlaıdy.
Ońtústik Qazaqstan oblysyna ınvestısıa tartý jáne «jasyl tehnologıalar» negizinde jobalardy iske asyrý máselelerin talqylaý barysy M.Áýezov atyndaǵy OQMÝ qabyrǵasynda Rae Kvon Chýng myrzanyń qatysýymen ótkizilgen ǵylymı-tájirıbelik dóńgelek ústelde jalǵasyn tapty. Aıta ketý kerek, Rae Kvon Chýng uzaq ýaqyt boıy BUU Bas hatshysy Pan Gı Mýnnyń klımattyń ózgerý máseleleri boıynsha bas keńesshisi qyzmetin atqarǵan.
Dóńgelek ústelde Rae Kvon Chýng Qazaqstan Respýblıkasy Prezıdentiniń «jasyl» ekonomıkaǵa kóshý jónindegi saıası sheshiminiń mańyzdy rólin atap ótti. Avtomattandyrýdy engizý barysynda R.Chýng kóptegen jumys oryndarynyń jabylýyn atap ótti. Osy kezeńde «jasyl damý» júıesine kóshý jańa jumys oryndaryn qurýǵa múmkindik beretinin jetkizdi.
Sonymen qatar, shara barysynda Shymkent qalasy ákiminiń orynbasary T.Baımuhanov tanystyrǵan «Shymkent qalasyn kógaldandyrý» taqyrybyndaǵy jobasy jáne «OŃTÚSTİK» AIO Basqarma tóraǵasy Q.Baıtóre tanystyrǵan Túrkistan qalasynda «Qatty qaldyqtardy qaıta óńdeý» jobalary ázirlený satysynda ekendigi aıtylyp, iske asyrý merzimi osy jylǵa josparlanǵandyǵy belgili boldy.
Aıta ketý kerek, joǵaryda atalǵan jobalardy júzege asyrý 500-den astam joǵary sapaly jumys oryndaryn qurýǵa múmkindik beredi.
Ǵylymı-praktıkalyq dóńgelek ústel uıymdastyrýshylary jaqyn bolashaqta Qazaqstan Respýblıkasynyń «jasyl ekonomıkaǵa» kóshýi jónindegi tujyrymdama aıasynda joǵaryda atalǵan jobalardy júzege asyrýǵa kirispek.
