Atyraýda bolǵan tragedıadan keıin arnaıy komısıa qurylyp, barlyq lıft sharýashylyqtary tekseriledi,  bul týraly Óńirlik komýnıkasıalar qyzmetinde ótken brıfıńte Atyraý qalalyq TJ jáne jumyldyrylǵan jumys bóliminiń basshysy Talǵar Haırýllın málimdedi, dep habarlaıdy Qamshy.kz aqparat agenttigi. 

Onyń aıtýynsha,  eki jasóspirim qaza tapqan jazataıym oqıǵanyń sebebin anyqtaıtyn komısıa qurylǵan.

-Barlyq lıft sharýashylyqtaryna tekserý júrgiziledi. 94  kóp qatarly turǵyn úıde 266  lıft ornatylǵan.  Onyń 32-si jumys istemeıdi,  jeteýi júk lıfti,-deıdi Talǵar Haırýllın.

Tragedıa bolǵan úıdegi júk lıfti 2012  jyly demontajdalǵan,  esikteri dánekerlengen. 
-Jasóspirimderdiń lıft shahtasyna qalaı kirgenderin tergeý jumystary men qurylǵan komısıa anyqtaıdy, -  deıdi T.Haırýllın.

Jazataıym oqıǵa bolǵan turǵyn úı 2007  jyly salynǵan, 2010  jyly  16 qatarly úı kúrdeli jóndeýden ótti,  sol kezde lıftiler de jóndelgen. Lıftilerdi iske qosýmen  «Kaspıı lıft» JSHS aınalysady, PIK, páter ıeleri men atalǵan mekeme arasynda úshjaqty kelisim jasalǵan.

Aıta keteıik, Atyraýdaǵy Almagúl móltek aýdanyndaǵy 16 qabatty úıde isten shyqqan lıfttiń shahtasyna eki birdeı jasóspirim qulap, qaıtys boldy.