Búkilálemdik meıirbıkeler kúnine oraı Taldyqorǵan garnızonynyń áskerı gospıtalinde medısına qyzmetkerleri arasynda saıys ótti, dep habarlaıdy Qamshy.kz aqparat agenttigi.

Bes meıirbıke men bir medaǵa arasynda ótken tartys ońaı bolǵan joq. Saıys sharty boıynsha ár qatysýshy ózin tanystyrýdan bastap qyzmeti boıynsha teorıalyq suraqtarǵa jaýap berip, ony praktıkamen ushtastyrdy.

Garnızonǵa qarasty ár áskerı bólimniń meıirbıkesi atalǵan sharada kásibı sheberlikterin kórsetip, baqtaryn synady. «Densaýlyqqa paıdaly as» taqyrybynda taǵam ázirledi, biri monolog oqysa, endi biri áýelete án shyrqady.

- Orta býyn medısına qyzmetkerlerine artylǵan jaýapkershilik zor. Adam ómirin saqtap qalýda alǵashqy kómek qolyn sozatyn da solar. Sondyqtan medbıkelerdiń kásibı sheberlikterin shyńdaý, olardyń arasynda básekelestikti qalyptastyrý maqsatynda atalǵan saıysty jyl saıyn dástúrli túrde uıymdastyryp kelemiz, - dep atap ótti áskerı gospıtáldiń bastyǵy medısına podpolkovnıgi Asqar Kólbaev.

Saıys qorytyndysy boıynsha birinshi oryndy áskerı gospıtáldiń med aǵasy Arman Hasanǵalıev ıelense, ekinshi orynǵa meıirbıke Akerke Bolegenova  laıyq dep tanyldy. Al 18404 áskerı bóliminiń meıirbıkesi Merýert Kerımjanova úshinshi orynnan kórindi. Barlyq qatysýshylar alǵys hat jáne baǵaly syılyqtarmen marapattaldy.

- Bala kezimnen dáriger bolýdy armandap edim. Jarkent qalasyndaǵy medısına kolejin aıaqtaǵan soń áskerı gospıtálge jumysqa turdym. Osy mekemede kásibıligimdi arttyryp, tájirıbe jınap kelemin. Bolashaqta joǵarǵy oqý ornyna tapsyryp, bilikti dáriger bolýdy maqsat etip qoıdym, - dedi saıystyń jeńimpazy Arman Hasanǵalıev.

Taldyqorǵan garnızonynyń áskerı gospıtali – Qarýly Kúshterge qarasty úzdik mekemelerdiń biri. 45 jyldan astam ýaqyt boıy áskerı qyzmetshiler men olardyń otbasy múshelerine sapaly medısınalyq kómek kórsetip keledi.