«Qazgıdromet» RMK-nyń habarlaýynsha, 22 mamyrda elorda aýmaǵynda ekpini 25 m/s jetetin dúleı daýyl soqqan bolatyn, dep jazady Qamshy.kz aqparat agenttigi.
Qazir Astananyń komýnaldyq qyzmetteri kúsheıtilgen rejımdegi jumysqa kirisip, daýyldyń saldaryn joıyp jatyr. 14:30-daǵy jaǵdaıǵa sáıkes jedel járdem qyzmetine jeńil jaraqat alǵan 13 adam júgingen.
Daýyl saldarynan Túrkistan kóshesindegi qurylys alańynda munara kran, Beıbitshilik jáne kelisim saraıy ǵımaratynan keramokranıt, Arnasaı 127 meken-jaıy boıynsha ornalasqan turǵyn úı alabynyń tóbesinen shatyr jabyndysy qulap, № 24 OM ǵımaratynyń, Úrker shaǵyn aýdanynda E- 638 meken-jaıy boıynsha ornalasqan № 91 balabaqshanyń shatyr jabyndysy ushyp ketip, avtokólikke zaqym tıdi.
Oqys oqıǵalardyń saldary týraly aqparatty (foto, vıdeo) qala turǵyndary 109 telefony boıynshaIkomek monıtorıń jáne jedel áreket etý ortalyǵyna habarlaı alady.
Sondaı-aq, «Qazgıdromet» RMK-nyń málimeti boıynsha 23 mamyrda elorda aýmaǵynda jeldiń kúsheıýine baılanysty dabyldy eskertý jarıalandy. Soltústik-batystan soqqan jeldiń ekpini 25 m/s (normadan 2 ese artyq) deıin jetpek.
Kúndiz jańbyr jaýyp, kúshti jel soǵýy yqtımal. Aýa raıynyń qolaısyzdyǵyna baılanysty vedomstvo mamandary qatty jel kezinde páterdegi nemese úıdegi terezelerdi tyǵyz jabýǵa, terezeden syrtqa qulap ketýi múmkin zattardy balkondardan alyp tastaýǵa, kóshedegi baǵandardan, aǵashtardan, jarnamalardan, EJJ jáne symdardan alys júrýge tyrysýǵa; úzilgen symdarǵa jáne qozǵalyp turǵan zattarǵa jaqyndamaýǵa; olardyń janynda kólikti qaldyrmaýǵa, jel basylǵansha eń jaqyn turǵan ǵımaratta (dúken, kitaphana, saýda ortalyǵy, úı podezdi, kınoteatr) jasyrynýǵa keńes beredi.
