Jelide Astanadaǵy ortalyq saýda ornynda eskalatorda qoly qysylyp qalǵan 2 jastaǵy qyzdyń vıdeosy jarıalandy, dep habarlaıdy Qamshy.kz aqparat agenttigi. 

Anasy men qyzy eskalatormen túsip kele jatqanda qyzdyń qoly eskalatorǵa qysylyp qalǵan. Bir top azamat eskalator júrip ketpeýi úshin ony ustap tur. Vıdeodan er adamdardyń qyzdy eskalatordan shyǵarýǵa árekettenip jatqanyn kórýge bolady.

Vıdeony túsirip turǵan áıel saýda ortalyǵyndaǵy er adamdardy kómektesýge shaqyryp, jylap tur. 

Astana qalasy ákimdiginiń baspasóz qyzmetiniń taratqan málimetine sáıkes, oqıǵa 22 mamyrda boldy. Eskalatordaǵy apatty jaǵdaıdyń saldarynan 2 jastaǵy qyz zardap shekti. Jedel járdem shaqyrtylyp, qyz Astandaǵy №2 balalar aýrýhanasyna jetkizildi.

Oǵan hırýrgıalyq kómek kórsetildi. Astana qalasy ákimdigi taratqan málimetke sáıkes, qazir qyzdyń jaǵdaıy qalypty.

Internette taraǵan vıdeony jeli qoldanýshylary qyzý talqylap jatyr. Olardyń biri mundaı apatty jaǵdaıdyń ornaýyna Astana qalasy ákimdigin aıyptasa, endi biri Qazaqstan boıynsha lıft, eskalatordy jiti tekserýden ótkizýin talap etip otyr.