Mamandardyń aldyn ala boljamyna sáıkes, Semeı mańyndaǵy ormannan shyqqan órt adamnyń kesirinen bolýy múmkin. 

Ormannan shyqqan iri órt 350 gektar jerdi jalmady.

Órt sóndirýge 300 maman jumyldyrylǵan. Keshe qutqarýshylar órtenip jatqan alqapqa tikushaqpen 25 tonna sý sepken. Táýlik boıy kezekpen jumys istegen órt sóndirýshiler keshki saǵat 19.50-de órtti aýyzdyqtady.

Órttiń sebebin mamandar adamı faktordyń áserinen bolǵan dep boljaıdy.

«Munyń adamnyń kesirinen bolǵany sózsiz. Sebebi kún endi ǵana jylynyp kele jatqanda órt shyǵýy múmkin emes. Negizinen órt naızaǵaıdyń kesirinen bolady, al munda temekiden nemese ádeıi jasalǵan bolýy múmkin», - dedi «Semeı ormany» memlekettik orman tabıǵı rezervatynyń bas dırektory Murat Dáýletov.

Arnaıy saraptamadan soń órttiń shyǵý sebebi anyqtalady. Al jyl bastalǵaly orman rezervatynda órt birinshi ret bolyp otyr.