Almaty — Astana trassasynda Jezqazǵan — Almaty baǵytynda qatynaıtyn jolaýshylar avtobýsy órtenip ketti. Bul týraly oblystyq TJD baspasóz qyzmeti habarlady.
Oqıǵa 22 mamyr kúni saǵat 22.00-de Almaty tasjolynyń 56-kılometrinde Chapaev aýylynyń mańynda bolǵan.
"Jezqazǵan — Almaty baǵytynda komersıalyq reıs oryndaıtyn VANHOOL markaly (m/n 979 TDA 09) avtobýs órtendi", - delingen Tótenshe jaǵdaılar departamenti taratqan habarlamada.
Órt saǵat 23.10-da sóndirildi. Avtobýs salonynda segiz adam bolǵan, olar ózderi shyqqan. Qurban bolǵandar men zardap shekkender joq.
