Ońtústik Qazaqstanda demalys kúnderi jalpy oblystyq senbilik ótti. Oǵan 45 myńnan astam adam qatysty. Tazalyq sharasy barysynda 22 myń gektar aýmaq tazartylyp, 54 myńǵa jýyq aǵash ákteldi.
Oblys aýmaǵynda ótken senbilik serpindi ótti. Erikti jastar men eldi meken turǵyndary jáne memlekettik organnyń qyzmetkerleri bul kúni aýlalar men demalys oryndaryn jáne kóshe boılaryn qoqystan tazartyp, aǵash túbin qopsytyp, ákteý-syrlaý jumystaryn júrgizdi.
Oblys aýmaǵyn kóriktendirý, sanıtarlyq tazalaý jáne kógaldandyrý maqsatynda ótkizilgen jalpy oblystyq senbilikte birqatar jumystar atqaryldy. Máselen, jergilikti ákimdik bergen málimet boıynsha óńirdegi 1050 shaqyrym jol jıekteri men jaıaý júrginshiler joldary, 4 714 shaqyrym ırrıgasıa júıesi men 189 balalar jáne sport alańshalary, 59 gektar bolatyn saıabaqtar men skverler, sonymen birge 143 dana aıaldamalar áktelip, syrlanyp tazalandy. Bul jumystarǵa 341 dana tehnıka jumyldyryldy.
Taza aýa – janǵa daýa. Osy ustanymdy ustanǵan ońtústikqazstandyqtar kóktem aıynda uıymdastyrylǵan 12 senbilikke bir kisideı qatysyp, tazalyq jumystaryna óz úlesterin qosty. Bul jumystar aldaǵy ýaqytta jalǵasyn tabatynyn aıtqan oblystyq energetıka jáne turǵyn úı-kommýnaldyq sharýashylyq basqarmasy uıymdastyrylatyn senbilikterge barlyq turǵyndardy birigip qatysýǵa shaqyryp, eldi mekender tazalyǵyna óz úlesterin qosýdy aıtty.
