«Almaty Arena» muz kesheninde «Almaty Arena Cup» hokeıi boıynsha balalar týrnıri ótti, oǵan Astanadan, Almatydan, Óskemennen, Shymkentten, Bishkekten jáne basqalarynan komandalar qatysty.

Astanadan kelgen komanda jeńimpaz atandy. Ekinshi oryn Óskemenniń «Torpedo» komandasyna buıyrdy. Qumetti úshinshi oryndy «Almaty» komandasynyń oıynshylary jeńip aldy.

Qala sport basqarmasy basshysynyń orynbasary Rústem Baıseıtov qazirgi kezde qalada shaıbaly hokeıden birneshe balalar men jasóspirimder klýbtarynyń oınaıtyndyǵyn aıtty. Kezinde balalardyń «Almaty» hokeı klýby eki ret halyqaralyq jarystardyń jeńipmazy boldy.

«Ýnıversıadanyń arqasynda bizde «Almaty Arena» jáne «Halyk Arena» syndy tamasha sport keshenderi paıda boldy, bularda qazirgi kezde 10 hokeı klýbtary jattyǵýda. Biz almatylyq balalardy ózimizge shaqyramyz. Trıatlon, mánerlep syrǵanaý, kerlıng, short-trek, shahmat, karate, qazaq kúresi, júzý seksıalary ashyldy. Bulardan ózge, aǵylshyn tili klýby, dombyra, klasıkalyq boks, bı, kórkem gımnastıka jáne basqa úıirmeler jumys isteıdi. Oqýshylar men stýdentter úshin 50%-dyq jeńildik bar», - dedi Rústem Baıseıtov.

Búgingi kúni megapolıste «Sporttyq Almaty» jáne «Sport meniń aýlamda» baǵdarlamalary keń qanat jaıýda, 500-den astam sport alańdary abattandyryldy. «Týǵan jer» baǵdarlamasy aıasynda Alataý aýdanynda jeńil atletıkalyq stadıon iske qosyldy, jeńil atletıkalyq manej salynýda.