Almaty ákimi Baýyrjan Baıbek Katar bıznesmenderi Asosıasıasynyń tóraǵasy, «Feısal Holdıń» kompanıasynyń basqarma basshysy Sheıh Feısal Ben Kasım Al-Tanımen kezdesti. Taraptar meımanhana bıznesi salasyndaǵy ekijaqty ınvestısıalyq baılanysty damytý, týrızm, qurylys jáne basqa da máselelerdi talqylady.

«Al Faisal Holding» - Katardyń iri jeke holdıńi, el ekonomıkasyn damytýda basty ról atqarady jáne Taıaý Shyǵystaǵy jetekshi komersıalyq qurylym bolyp tabylady.

Katar delegasıasy Almatynyń negizgi áleýmettik-ekonomıkalyq kórsetkishterimen, týrızm salasyna, ınfraqurylymdy damytýǵa qatysty jobalarmen, Alataý aýdanyndaǵy Indýstrıaldy aımaq pen Arnaıy ekonomıkalyq aımaqtyń áleýetterimen tanysty.

«Almaty jedel damyp kele jatqan megapolıs, munda ınvestısıa úshin múmkindikter úlken. Qala taý etegine ornalasqan, ǵajap klımat, erekshe mádenıet, sondyqtan biz úshin týrızm men jyljymaıtyn múlik salasy qyzyǵýshylyq týǵyzady. Almatydan soń biz áriptesterimizben birge Astanaǵa baramyz, sapar qorytyndysynan soń naqtyly kelisimderge qoljetkizemiz degen senimdemiz», - dep atap ótti Sheıh Feısal Ben Kasım Al-Tanı.