Almaty qalasynyń Energetıka jáne komýnaldy sharýshylyq basqarmasynyń jańa basshysy bolyp buryndary Jolaýshylar kóligi jáne avtomobıl joldary basqarmasyn basqarǵan Maqsut Isahov taǵaıyndaldy.

Megapolıste sońǵy jyldary 800 km ınjenerlik júıeler salyndy jáne jóndeldi, sonyń ishinde 313 km sý qubyry, 266 km káriz qubyry, 150 km elektr berý jelisi jáne 32,3 km jylý jelisi.

Almaty ákimi jańa basshy aldyna qalanyń ınjenerlik jelilerin aldaǵy ýaqytta jóndeý boıynsha birqatar naqtyly mindetter qoıdy. Eń aldymen, qazylǵan joldardy der kezinde ári sapaly qalpyna keltirýge aıryqsha nazar aýdarý qajet. Jóndeý jumystaryna qarmastan qala turǵyndaryn ystyq sýmen úzdiksiz qamtamasyz etip, ýaqytshy syzbany uıymdastyrǵan jón.

Baýyrjan Baıbek buryn jóndeýden ótken ýchaskelerdi tekserip shyǵýdy, olardy qalpyna keltirýdi kepildik mindetteme aıasynda merdigerlerdiń júzege asyrýy tıis ekenin tapsyrdy.

Energetıka jáne komýnaldy sharýashylyq basqarmasyna kóshe jaryǵyn salý jáne jóndeý jumystaryn odan ári jalǵastyrý, sonymen qatar vedimistik baǵynyshty «AlTS», «Almaty SÝ», «Almaty Jylýkommýnenergo» jáne basqa kásiporyndardyń jumys tıimdiligin arttyrý tapsyryldy.

Buryndary Almaty ákimi qalanyń ınjenerlik jelilerin jóndeý jáne 12 km jylý júıesin modernızasıalaý boıynsha keńeıtilgen keńes ótkizgen bolatyn.Kóp obektilerde jóndeý jumystaryn shildeniń sońynda aıaqtaý josparlanǵan. Barynsha kúrdeli jáne uzyn ýchaskeler tamyz aıynda iske qosylady. Jumys barysynda jóndelgen mańaı tolyq abttandyrylady.

Ár ýchaske boıynsha naqtyly jumys kestesi jasalǵan, tehnıka men jumysshylar sany belgilengen. Barlyq obektilerde merdigerlik uıym týraly aqparat jazylǵan pasport ornatylyp, tıisti jol belgileri, qorshaýlar jáne júrginshiler úshin ótpeli joldar bolady.