Almaty ákimi Baýyrjan Baıbek Ózbekstan Respýblıkasynyń Tótenshe jáne Ókiletti Elshisi Saıdıkram Nıazhodjaevpen kezdesti. Taraptar saýda – ekonomıkalyq, mádenı-gýmanıtarlyq baılanystar, sonymen qatar týrızm salasynda tájirbıe almasý máselellerin talqylady.

Megapolıs basshysy Almaty men Ózbekstan arasyndaǵy taýar aınalymynyń oń dınamıkasyn atap ótti, 2017 jyly burnaǵy jylmen salystyrǵanda 16,7%-ǵa artyp, 276,4 mln. AQSH dollaryn quraǵan. Qazirgi kezde qalada Ózbekstan kapıtalymen 530 kásiporyn jumys isteıdi.

Óz kezeginde kórshi memlekettiń Elshisi atalǵan sıfrlardyń eki el arasyndaǵy senim men iskerlik qatynastyń joǵary deńgeıin kórsetetinin atap ótti.

«Almaty – bıznestiń qalasy, ınovasıa osy jerden búkil elge taraıdy. Bizdiń kásipkerlerimiz megapolıstegi jobalarǵa úlken qyzyǵýshylyq bildirýde. Qazaqstanda 2018 jyly Ózbekstan jyly dep jarıalanǵan, bul tek mádenı almasý ǵana emes, ekonomıkalyq baılanystardyń odan ári nyǵaıýyna da yqpal etedi», - dedi Saıdıkram Nıazhodjaev.

Eske salsaq, 2017 jyly naýryz aıynda Ózbeksten Respýblıkasynyń prezıdenti Shavkaı Mırzeevtyń Qazaqstanǵa alǵashqy sapary aıasynda Naýryz merekesiniń qarsańynda jańa turpattaǵy keń kýzovty «Tulpar-Talgo» vagondarynan turatyn № 1/2 «Almaty-Tashkent» júrdek poıyzynyń jolǵa shyqqan bolatyn.

Al, bıyl 12 sáýirden bastap Tashkent pen Almaty arasynda halyqaralyq jolaýshylar avtobýsy qatynaı bastady.

Almaty ákimi Baýyrjan Baıbektiń Ózbekstan tarabymen qatynasynyń basy bul emes. Almaty men Tashkent saýda-ekonomıkalyq jáne mádenı-gýmanıtarlyq baılanystardy nyǵaıtý máselelerin 2016 jyly Almaty ákimi Baýyrjan Baıbek Tashkent qalasynyń hákimi Rahmonbek Ýsmanovpen kezdesýinde de talqylaǵan.