«Atakent» QİYO-nyń aýmaǵy qalanyń komýnaldyq menshigine qaıtaryldy.
Almaty qalasy ákimdiginiń qaýlysymen, Qazaqstan Respýblıkasynyń Jer kodeksine sáıkes jáne Jer komısıasynyń qorytyndysy negizinde «Qazaqstannyń iskerlik yntymaqtastyq ortalyǵy «Atakent» arasyndaǵy 23 gektar jer ýchaskesin ýaqytsha jalǵa alý jónindegi kelisim kúshin joıdy.
Qazaqstannyń iskerlik yntymaqtastyq ortalyǵy «Atakenttegi» jer ýchaskesi 54,1 gektardy quraıdy. Onyń 31 gektary jeke menshikte, al 17 gektarynda túrli saýda, meımanhana jáne sport keshenderi ornalasqan.
Qazirgi kezde Almaty ákimdigi barlyq quqyqtyq qujattardy tekserýde. Igerilmegen 14 gektar jerge shekteý qoıylǵan.
Degenmen,maqsatty negizde salynǵan kórme pavılondary nemese ózge de nysandardy súrý josparda joq.
Eske salsaq, atqarýshy kompanıanyń Qazaqstannyń iskerlik yntymaqtastyq ortalyǵy «Atakenttiń» aınalasyn damytý týraly ózderine alǵan mindettemelerin oryndamaýy saldarynan Almaty ákimi Baýyrjan Baıbek jalǵa berý kelisimin toqtatý jáne qoǵamdyq keńistik jerin qalanyń komýnaldyq menshigine qaıtarý týraly máseleni ázirleýdi tapsyrdy.
