Qazaqstan halyqtarynyń Birligi kúni qalanyń birqatar alańdarynda birmezette merekelenedi. Merekelik serýen Respýblıka Saraıy aldyndaǵy alańmen shektelmeıdi. Alǵash ret merekelik shara qaıta jańarǵan Panfılov kóshesiniń boıynda da ótedi, munda tańnan keshke deıin megapolıstiń etnomádenı birlestikteriniń ujymdary konsert qoıady.

Abaı alańynda tańǵy saǵat 10:00-de etnomádenı birlestikterdiń kórmesi ashylady, oǵan ulttyq turmystyq zattar, mýzyka aspaptary qoıylǵan, ulttyq kostúm kórinisteri jáne basqalary usynylady.

Saǵat 11:00-de qazaqstandyq estrada juldyzdarynyń qatysýymen mýzykalyq baǵdarlama bastalady. Sahnda kúni boıyna 500-den astam artıser óner kórsetedi, sonyń ishinde Roza Rymbaeva, Dıana Sharapova, Álı Oqapov, Roman Kım, Luina, Ianıs Kaısıdı, Adyljan Ýmarov, «Saryn» dýeti, «Dervıshı», «MuzArt», «Assyl», «Vox Acapella» toptary, «Vivat», «Rise», «Ivory» shoý- baletteriniń ókilderi jáne kóptegen basqalary.

Uıymdastyrýshylar erekshe dınamıkalyq oranjırovka men horeografıa kóktemgi merekelik kóńildi kótere túsedi deıdi.

«Ulttyq kompozısıalar men bılerdiń ashyq palıtrasy qazaqstandyq avtorlardyń zamanaýı ánderine ulasyp, halyq birliginiń ózindik sımvolyna aınalady», - dedi Almaty qalasynyń Mádenıet basqarmasy.

Saǵat 19:30-da Aıqyn Tólepbergen «15 jyl, sizdermen birge» atty óziniń jeke konsertin usynady, al 21:30- da sahnaǵa «Án merekesi» baǵdarlamasymen «Týreskıı horynyń» artıseri shyǵady. Mereke qurmetine ujymmen birge áıelderdiń «SOPRANO Týreskogo» arttoby án shyrqaıdy, osylaısha talant pen sulýlyq úılesim tabady.

Óz kezeginde, Panfılov kóshesinde kúni boıyna konsertter men kórmeler ótedi, munda qala turǵyndary men qonaqtary megapolıstiń etnomádenı birlestikteriniń ózindik mádenıetimen jáne dástúrlerimen tanysady.