Darıǵa Nazarbaeva XV Eýrazıalyq medıa forýmnyń ashylýynda sıfrlyq urpaqtyń búgingi kelbeti týraly aıtty, dep habarlaıdy Qamshy.kz aqparat agenttigi.
Forýmdy uıymdastyrý komıtetiniń tóraıymy Darıǵa Nazarbaevanyń aıtýynsha, búgingi BAQ osydan birneshe jyl burynǵyǵa túbegeıli uqsamaıdy.
Forýmnyń ótýine tikeleı at salysqan uıymdastyrý komıtetiniń tóraıymy bolǵan Darıǵa Nazarbaeva óz quttyqtaýyn aıta kele: "Ashyq ınternet alańy, jalpy jurtshylyqqa múmkindik berip otyr. Qandaı salanyń adamy bolmasyn, iri jýrnalıspen básekege túsip, úlken basylymdardyń tıraj joǵaltýyna ákelip jatyr"-dedi.
«Bizdiń aınalamyzdaǵy ózgeristerge kelsek, bul týraly aıtatyn nárse jeterlik. Aqparat quraldary túbegeıli ózgerdi. Eń alǵash ret 2002 jyly Almatyda bas qosqanda iPhone da, Facebook te, Instagram da, WhatsApp ta bolmaǵan. Bul jańa tehnologıalar bizdiń ómirimizge aınaldyrǵan bir-eki jylda enip, ajyramas bóligine aınaldy. Peıdjer degen sóz umytyldy. Telefondardy tek kóne fılmderden kóremiz. Teledıdar jáshigi "suıyq" ekranǵa aınaldy. Smartfon qazir qaltaǵa syıyp ketetin kompúter», - dedi ol.
Darıǵa Nazarbaeva bul ózgeristerdiń qazirgi urpaq ómirine qalaı yqpal etip jatqanyn aıtty.
«Biz bala kezimizde qýyrshaqpen qalaı oınadyq. Týra solaı qazirgi balalar devaısterden ajyramaıdy. Álemdik medıatutyný ózge keıipke endi. Qazirgi sıfrlyq urpaq aqparattar álemin kóz ilespes jyldamdyqpen meńgerip keledi. Bul urpaq dástúrli nemese balama aqparat kózderin qatar paıdalanady. Olar ǵalamtor múmkindigin qalyptaǵy jaǵdaı etip qabyldaıdy», - dedi D.Nazarbaeva.
Aıta ketetin bolsaq, Darıǵa Nursultanqyzy 15 jyldan beri úzbeı ótip kele jatqan Eýrazıalyq medıa forýmnyń tikeleı uıymdastyrýshy katalızatory. Osy jumystar aıasynda EMF spıkerleri qatarynda: Islam respýblıkasynyń eks-prezıdenti Iran Mohammad Hatamı, Aýǵanstannyń 12-shi prezıdenti Hamıd Karzaı, amerıkandyq dıplomattar Rıchard Holbrýk pen Rıchard Perl, AQSH-tyń burynǵy kongresmeni Harold Ford, Ulybrıtanıanyń Syrtqy ister eks-mınıstri Djek Stro, Gresıanyń Týrızm eks-mınıstri jáne Parlament múshesi Olga Kefaloıannı, brıtandyq fýtýrolog Reı Hammond, Vladımır Pozner, Maksım Shevchenko, Mıhaıl Leontev, Pıter Lavel, Pola Slıer, Stıven Koýl, Nık Goýıng syndy tanymal jýrnalıser, ITAR-TASS aqparattyq agenttiginiń jetekshileri Vıtalıı Ignatenko men Mıhaıl Gýsman, jazýshy Shyńǵys Aıtmatov, RF Úkimetiniń burynǵy basshysy Evgenıı Prımakov, ODKB bas hatshysy Nıkolaı Bordúja, AQSH-tyń ulttyq qaýipsizdik boıynsha burynǵy keńesshisi Zbıgnev Bjezınskıı jáne t.b. boldy.
Al, naqty bıylǵy forýmnyń qatysýshylary qatarynda – memlekettik qaıratker, eks-premer-mınıstr, Italıa parlamentiniń senatory Matteo Rensı, BAQ bostandyǵy boıynsha EQYU (OBSE) ókili Arlem Dezır, amerıkalyq polıttehnolog, Barak Obama prezıdenttigi kampanıasynyń ekeýinde de keńesshi bolǵan Rodjer Fısk, Ulybrıtanıa Syrtqy ister mınıstrliginiń baspasóz hatshysy Saımon MakDjı, Grýzıanyń eks Bilim mınıstri Hatıa Dekanoıdze, VVS telearnasynyń jańalyqtar bóliminiń redaktory Gevın Húıtt, halyqaralyq saıasat boıynsha fransýz sarapshysy, Le Figaro gazetiniń sholýshysy Reno Jırar, Japonıanyń turaqty energetıkany damytý ınstıtýtynyń dırektory Tesýnarı Iıda, reseı jýrnalısi, prodúser, ári telejúrgizýshi Sofıko Shevardnadze, senator, AQSH-tyń Qytaı Halyq Respýblıkasyndaǵy elshisi Maks Baýkas, BUU halyqaralyq «BUU – áıelder» bóliminiń Ortalyq Azıa boıynsha basshysy Ileın Konkıevıchder boldy.
