Almatynyń birqatar kóshelerinde tramvaı joldaryn alyp tastaýǵa baılanysty kólik qozǵalysy ýaqytsha toqtatylady. Bul týraly qalalyq ákimdiktiń baspasóz qyzmeti málimdedi.
«T.Jarokov kóshesiniń boıynda K.Tımırázev pen Ótepov kóshelerine deıin kólik qozǵalysy shekteledi. Bul kóshelerde 23 mamyr men 15 shilde aralyǵynda tramvaı joldaryn demontajdaý jumysy júrgiziledi. Sondaı-aq A.Iasaýı kóshesiniń boıy F.Shalápın men Qaraǵandy kóshesine deıin 22 mamyrda saǵat 8.00-den 21.00-ge deıin jabylady. Qabanbaı batyr kóshesi boıynda M.Masanchı men S.Seıfýllın dańǵyly aralyǵy 21 mamyr túnnen 22 mamyr tańǵa deıin qozǵalys toqtaıdy», delingen baspasóz habarlamasynda.
