Almatyda Qazaqstan regbı federasıasynyń ár aımaqtaǵy ókilderiniń qatysýymen jıyn ótip, sonyn nátıjesinde federasıaǵa jańa prezıdent saılandy, dep habarlaıdy qalalyq aqparattyq jáne sporttyq HAB.
Jańa prezıdent bolyp 30 jastaǵy Asyl Shalǵymbaev taǵaıyndaldy. Ol QR Qorǵanys jáne aeroǵarysh ónerkásibi mınıstrliginde qyzmet atqarady.
Bul sheshim osy jıynǵa qatysqan ár aýdannyń federasıa ókilderiniń biregeı daýys berýi arqyly qabyldandy. Sonymen qatar, jınalysqa QR UOK men shet eldegi «World Rugby» ókili Oakleı Matú Edvard pen «Asia Rugby» prezıdenti Aga Hýsseın qatysty.
«2018 jyldyń 20 mamyrynan bastap Qazaqstan regbı federasıasynyń jańa prezıdenti bolyp Shalǵymbaev Asyl Muratshaıuly saılansyn», - dedi óz sózinde jınalys tóraǵasy Stanıslav Knorr.
Ol, Asyldy osy qyzmetke saılap otyryp, oǵan úlken senim artyp, elimizdegi regbı jańa deńgeıge kóteriletindigine kúmán keltirmeıtinin jetkizdi.
«Asyl kezinde komandanyń menedjeri bolyp, ulttyq quramamen 10 jyl boıy halyqaralyq jarystarǵa shyǵyp júrdi. Alǵa qoıǵan maqsaty men jumysyn jaqsy biledi. Birneshe shet tilderin jetik meńgergen, kóptegen memlekettik mekemelerde qyzmet atqarǵan», - dep Stanıslav Knorr jańa basshyny qysqasha tanystyryp ótti.
Óz kezeginde Asyl Shalǵymbaev osyndaı senim artyp, qoldaý kórsetken úshin barlyǵyna alǵys bildirip, birge kóptegen jetistikterge jetetindigin aıtty.
Aıta ketsek, Asyl Shalǵymbaev 2016 jyldyń aqpan aıynan bastap prezıdent bolǵan Murat Ýanbaevty almastyrdy.
Shalǵymbaev Asyl Muratshauly 1987 jyly 25 qarasha Almatyda dúnıege kelgen.
Ál-Farabı atyndaǵy QazUÝ-dyń qarjy bólimin aıaqtaǵan.
2006-2009 jyldary QR regbı federasıasynda QR ulttyq quramany damytý menedjeri bolyp jumys atqardy;
2009-2010 jyldary QR regbı federasıasynyń Almatydaǵy Vıse-prezıdenti boldy;
2010-2012 jyldary «Damý» AQ kásipkerlik fondty damytýda departament korporatıvtigin damytý menedjeri boldy;
2011-2012 jyldary «Damý AQ» kásipkerlik fondty damytýda basqarma basshysynyń kómekshisi;
2012-2013 jyldary QR TJM «Rezerv» komıteti memlekettik materıaldar saqtyq qorynda bas dırektordyn kómekshisi;
2014- 2017 jyldary QR syrtqy ister mınısterliginde qyzmet etti,
2017 jyldan bastap qazirgi ýaqytqa deıin QR Qorǵanys jáne aeroǵarysh ónerkásibi mınıstrliginde qyzmet atqarady.
