Almatyda Saıyn kóshesindegi turǵyn úıdiń birinshi qabatynda ornalasqan shashtaraz órtendi. Bul týraly qalalyq TJD baspasóz qyzmetinen málimdedi.
Órt shyqqany týraly habarlama qalalyq TJD-niń «101» púltine saǵat 21:24-te kelip túsken.
«Áýezov aýdanyna qarasty Saıyn kóshesindegi 14/1 turǵyn úıdiń kire berisin jalyn sharpyǵan. Órt sóndirý qyzmeti oqıǵa ornyna 9 mınýt ótken soń, ıaǵnı 21:33-te jetti. Málim bolǵandaı, jalyn 4 qabatty turǵyn úıdiń birinshi qabatyndaǵy «Araı» shashtarazynan shyqqan. Qoıý tútinniń kesirinen joǵarǵy qabat turǵyndary evakýasıa jolyn paıdalana almaǵan. 81 adam qutqaryldy. Onyń 16-sy - balalar. Joǵarǵy qabattaǵy turǵyndardy mehanızasıalandyrylǵan avtosatylarmen qutqarý sharalary uıymdastyryldy», - dedi Almaty qalasy TJD baspasóz qyzmetinen.
Qalalyq TJD baspasóz qyzmetiniń málimdeýinshe, órt der kezinde sóndirildi. Ol 22:07-de aýyzdyqtalyp, 22:27-de tolyqtaı óshirilgen.Joǵarǵy qabattaǵy páterler men janyndaǵy úılerge esh zıan kelmegen. Jalyn 25 sharshy metr aýmaqty sharpyǵan. Órt kezinde 15 jasar qyz bala tútinge ýlanyp qaldy. Ony jedel járdem kóligi jaqyn mańdaǵy aýrýhanaǵa jetkizdi.
