Bıyl Almatyda 9100 oqýshy mektep bitirgen. Bul týraly qalalyq bilim basqarmasynyń basshysy Gúlnar Hodjabergenova aıtty.
«2017-2018 jylǵy oqý jylynyń UBT ereksheligi testi budan buryn tek orys jáne qazaq tilderinde tapsyrýǵa bolatyn bolsa, bıyl balalar aǵylshyn tilinde tapsyrýǵa múmkindik aldy. Respýblıka boıynsha 250 túlek aǵylshyn tilinde UBT tapsyrýǵa nıet bildirdi. Almatyda 6 bala testti aǵylshyn tilinde tapsyrady», - dedi Gúlnar Hodjabergenova Nur Otan» partıasy bólimshesiniń baspasóz ortalyǵynda brıfıń barysynda.
Onyń aıtýynsha, bıyl Almatyda barlyǵy 9100 oqýshy mektep bitiredi. Olardyń 7300-i UBT tapsyrýǵa ynta bildirgen.
Qalǵan túlekter alys-jaqyn shetel JOO-laryn nemese kolejderde bilimin jalǵastyrýdy tańdaǵan.
Basqarma basshysynyń aıtýynsha, bıylǵy UBT eki formatta ótedi. Oqýshylar mektepte birinshi qorytyndy emtıhan tapsyrsa, ekinshi kezeńde JOO bazasynda UBT tapsyrady.
Mektepterdegi emtıhan 29 maýsymda algebra, qazaqstan tarıhy, qazaq (orys) tili, tańdaý boıynsha 1 pán boıynsha synǵa túsedi.
«2004-2017 jyldar aralyǵynda UBT-ǵa 99,6 myń túlek qatysqan. Olardyń 89,1 paıyzy shekti bal kórsetkishin jınaǵan. Byltyr 5900 túlek UBT tapsyrsa, olardyń 97,3 paıyzy shekti bal jınady. Almaty boıynsha orta bal kórsetkishi 97,5», - dedi Gúlnar Hodjabergenova.
