Almaty ákimdigi qoǵamdyq kólikterdiń jumysyn baqylaýǵa baǵyttalǵan reıd uıymdastyrmaqshy. Bul týraly qalalyq Jolaýshylar kóligi jáne avtomobıl joldary basqarmasy jaýap berdi.
Búginde jolaýshylar kóliginiń jumysyn retteý maqsatynda qoǵamdyq kólikterdi tekserý tártibi shyǵaryldy.
Reıd quramyna qalalyq polısıa, jolaýshylar kóligi ınspeksıasynyń ókilderi kiredi.
Sonymen qatar, quzyrly organ ókilderi avtobýs aıaldamalarynda ýaqyt belgilep turatyn qyzmetkerlerdi jumystan bosatýǵa múddeli bolyp otyr.
«Mundaı adamdardyń qyzmetine qajettilik qazir joq. Olardyń áreketi tolyǵymen zańǵa qaıshy. Reıd barysynda olardyń zańsyz áreketin áshkereleý men jumysyn toqtatý jalǵasatyn bolady», - dedi basqarma ókilderi.
