QR Mádenıet jáne sport mınıstri Arystanbek Muhamedıuly Nú-Iorkte ótken Halyqaralyq fotokórmede úzdik fototýyndylary kórsetilgen kásibı fotograftarǵa sertıfıkat tabys etti.
Vedomstvonyń habarlaýynsha, QR Mádenıet jáne sport mınıstrliginiń qoldaýymen Ǵ.Músirepov atyndaǵy Qazaq memlekettik akademıalyq balalar men jasóspirimder teatry men Respýblıkalyq sport kolejiniń uıymdastyrýymen Almaty qalasyndaǵy mınıstrlikke qarasty óner oshaqtarynyń arasynda fýtboldan jarys ótip jatyr. Atalǵan fýtbol merekesi aıasynda «PHOTOfest.KZ» Halyqaralyq fotofestıvali aıasynda Nú-Iork qalasynda alǵash ret ótken «Qazaqstan álem fotograftarynyń kózimen» atty Halyqaralyq fotokórmede úzdik foto týyndylary kórsetilgeni úshin kásibı fotograftarǵa Arystanbek Muhamedıuly sertıfıkat tabystaǵan.
«Eń úzdik fotograf retinde Asylhan Ábdiraıymuly, Maqsat Shaǵyrbaev, Altynbek Qartabaev, Sársenbek Qyzaıbekuly, Aǵadil Rysmahan, Ekpin Hasenjan, Samat Myrzalıev, Dosjan Balabekuly, Maksım Rojın, Amangeldi Mýtıgýllın, Serik Maıemerov, Jeńis Ysqabaı tanyldy. Al bıyl fotofestıval elordanyń 20-jyldyǵyn merekeleý aıasynda Astanada ótkeli otyr. QR Mádenıet jáne sport mınıstrliginiń qoldaýymen ótetin fotograftar sherýine álemniń eń úzdik degen foto mamandary kelýi tıis», - dep habarlaıdy baspasóz qyzmetinen.
Almaty qalasyndaǵy mınıstrlikke qarasty óner oshaqtarynan birneshe komanda fýtbol týrnırine qatysty. Atap aıtqanda, Mádenıet jáne sport mınıstrligi, Ǵ. Músirepov atyndaǵy Qazaq memlekettik akademıalyq balalar men jasóspirimder teatry, M. Lermontov atyndaǵy Memlekettik akademıalyq orys drama teatry, komedıa teatry, Respýblıkalyq Nemis drama teatry, Abaı atyndaǵy Qazaq memlekettik akademıalyq opera jáne balet teatry, T. Júrgenov atyndaǵy Qazaq ulttyq óner akademıasy jáne taǵy birneshe komandalar ózara baq synasty.
