«Nur Otan» partıasy IT-mamandardy daıyndaý, bilim berý salasyn jetildire túsý maqsatynda jańa jobalar bastaǵan. Atalǵan joba aıasynda aldaǵy úsh jylda elimizde jumys berýshi İT-kompanıalar men iri joǵary oqý oryndarynyń bazasynda 20 İT-ortalyq ashylyp, jylyna 35 myń adamǵa bilim berý josparlanǵan bolatyn.
Ontústik Qazaqstan oblysy bilim basqarmasynyń málimetine sáıkes, 2018 jyly quny 4 mln. 900 myń teńgeni quraıtyn, 3200 oqýshyny qamtıtyn 20 synyp, al 2019 jyly 8100 oqýshyny qamtıtyn 30 İT-synyp ashý josparlanýda. Ol synyptarda İT-ortalyqtarda bilimin jetildirgen muǵalimder sabaq beretin bolady.
Búginde jospar iske asyp, Shymkentte IT- ortalyqtyń ashylý saltanaty ótti. Azamattardyń sıfrlyq saýattylyqtaryn arttyrýǵa, bilim berý salasyn jetildirýge baǵyttalǵyn IT- ortalyq «Nur Otan» partıasynyń «IT-mamandardy daıyndaý» jobasy aıasynda iske asty. M.Áýezov atyndaǵy Ońtústik Qazaqstan memlekettik ýnıversıtetiniń bazasynda ornalasqan IT-ortalyq zamanaýı 16 kompúter, joǵary jyldamtyqtaǵy ınternet, qajetti veb-baǵdarlamalarmen jabdyqtalǵan.
- Búgin alǵashqy IT-ortalyq ashtyq. Ortalyqta IT salasyna qatysty qajetti aqparattar, túrli qyzmetter usynylyp, mamandar oqytylyp, jańa tehnologıalarmen qamtamasyz etiletin bolady. Bul óz kezeginde halyqtyń sıfrlyq saýattylyǵyn arttyrady, - deıdi oblys ákiminiń orynbasary Tólegen Sársembaev.
Ortalyqtyń ashylý saltanatyna «Nur Otan» partıasy oblystyq fılıaly basshylyǵy, M.Áýezov atyndaǵy Ońtústik Qazaqstan memlekettik ýnıversıtetiniń rektory jáne oqytýshalyry, oblystyq bilim basqarmasynyń basshylyǵy, ortalyqta oqýǵa kelgen muǵalimder, partıa fılıalynyń qyzmetkerleri jáne de BAQ ókilderi qatysty.
- İT-ortalyq halyqtyń sıfrlyq saýattylyǵyn arttyryp qana qoımaı, olardyń álemdik iri jobalarǵa qatysatyn básekege qabiletti maman bolyp qalyptasýyna jaǵdaı jasaıdy, - deıdi partıalyqtar.
