Baspasóz, radıo jáne ınternet-jýrnalıstıka salasyndaǵy «Úrker» ulttyq syılyǵyna bıyl ózeris engizildi. Dástúrli 12 nomınasıaǵa taǵy bir eksperımentaldy nomınasıa engizildi. 10 mamyrdan bastap, barlyq adamdar «Úrker» ulttyq syılyq baıqaýynyń saıtynda qosymsha nomınasıaǵa daýys berdi. Oqyrman tańdaýyna 4 baǵyt usynyldy: 1) úzdik bloger; 2) úzdik vaın; 3) úzdik pablık; 4) jyl haıpy. Daýys berý nátıjesi boıynsha 574 daýys jınaǵan «Úzdik vaın» eksperımentaldy nomınasıa atandy.
«Úzdik bloger» (347 daýys)
«Úzdik pablık» (201 daýys)
«Úzdik vaın» (574 daýys)
«Jyl haıpy» (541 daýys)
Sondaı-aq Elordamyzdyń mereıtoıyna oraı Astananyń 20 jyldyǵyna arnalǵan úzdik materıal arnaıy nomınasıasy qosyldy. Bul nomınasıanyń ózgelerden ereksheligi, munda 2008 jyly jaryq kórgen tańdaýly materıaldar irikteledi.
«Úrker» ulttyq syılyǵyna el.kz. saıtynda tómendegi nomınasıalar boıynsha qatysýǵa ótinim bere alatynyńyzdy eske salamyz:
- Úzdik fotosýret;
- Úzdik reportaj;
- Úzdik saraptamalyq materıal;
- Úzdik jýrnalısik zertteý;
- Úzdik suhbat;
- Qazaqstan týraly úzdik tanymdyq materıal;
- Úzdik halyqaralyq taldamaly materıal;
- Óńirlik úzdik radıostansıa;
- Úzdik óńirlik merzimdi basylym;
- Qazaqstannyń úzdik radıostansıasy;
- Úzdik ınternet-BAQ;
- Úzdik respýblıkalyq merzimdi basylym.
- Úzdik vaın (eksperımentaldy nomınasıa)
Baıqaýdyń laýreaty atanǵan jýrnalıserge estelik músin men qarjylaı júldeler tabystalady. Árbir jeńimpaz 1 000 000 teńge kóleminde aqshalaı syılyq pen dástúrli estelik músinge ıe bolady.
Baspasóz, radıo jáne ınternet-jýrnalıstıka salasyndaǵy «Úrker» ulttyq syılyǵy byltyr alǵash ret QR Aqparat jáne komýnıkasıalar mınıstrliginiń bastamasymen ótken bolatyn. Ulttyq syılyqty uıymdastyrýshy «Qazcontent» AQ.
Baıqaýǵa shyǵarmashylyq jumystary 2017 jyly jarıalanǵan baspasóz, ınternet-BAQ jáne radıostansıalar redaksıalary men jýrnalıseri qatysa alady.
