"Qazposhta" basshylary bul tájirıbeni ári qaraı jalǵastyryp, Qazaqstannyń tórt oblysyna poshta dronyn testileýdi jetildire beremiz deıdi. Ushqyshsyz ushaq test rejıminde segiz aı boıynda jumys istep keledi eken. Biraq ony jasaýshylar jańa modeldi usynǵan. Bul eski modelden 80 shaqyrymǵa uzaq ushady ári 4 kelige deıin júkti kótere alady.

"Qazposhta" basshysy Serik Sarsenov jańa apparattar gazet pen jýrnaldar basylyp shyqqan kúni jazylýshylaryna der kezinde jetkize alady deıdi. Dronǵa baspadan jańa shyqqan gazetterdi birden júkteıdi, ol dittegen jerine baryp, avtomatty túrde taýardy tastaıdy. Sol jerden poshtashylar jınap alady.

"Biz onyń ústine jasyl tehnologıany damytyp jatyrmyz",- deıdi Sarsenov.

"Qazposhta" úshin drondardy qazaqstandyq Adrome Automation kompanıasy jasap shyǵarǵan. Onyń bas dırektory Alekseı Kım qurylǵyny ózimiz jınaımyz deıdi. Onyń sózinshe, bir dronnyń quny 5 myń dollar turady.

Sáýir aıynyń basynda "Reseı poshtasy" da birinshi ret taýardy dronmen jetkizbek bolǵan. Synaq halqy az ári qashyqtyqta ornalasqan Býrátıada ótti. Dron eki keli júkti 60 shaqyrym jerge jetkizý kerek bolǵan. Biraq alǵashqy synaq kezinde apparat úıdiń tóbesine qulap túsken.