Sońǵy kezde Almaty qalasyn­daǵy Halyqqa qyzmet kórsetý ortalyqtarynyń (HQKO) birqatar bólimsheleri birte-birte jabyla bastady. Atap aıtqanda, bıylǵy jyly suranystyń azaıýy saldary­nan shahardaǵy tórt birdeı HQKO bólimsheleri jabylyp qalǵan. Oǵan sebep, keıingi ýaqytta almatylyqtar arasynda elektron­dy formatty memlekettik qyzmet jumy­syna suranystyń arta bastaǵany baıqa­lypty. Sodan da ol qyzmetke Halyqqa qyzmet kórsetetin ortalyqtar qajettiligi azaıa bastaǵan.

Bárimizge belgili, qazirgi kezde sandyq tehnologıanyń qudireti artyp keledi. Óıtkeni, onymen búginde adamdar 450-den astam ár túrli memlekettik qyzmetti ala alady eken. Al osy rette áý basta negizinen sandyq tehnologıamen jumys isteý úshin qurylǵan HQKO-nyń jumysy birte-birte kereksiz bolyp barady. Mysaly, sta­tıstı­ka boıynsha qazir elimiz­degi keıbir HQKO bólim­shelerdegi jumys aýqymy ary ketse orta eseppen 20 opera­sıadan aspaı tursa, onyń ishinde, tipti 5-6 ope­rasıadan aspaı­tyndary da kezdese bastaǵan. Bul rette úıden, sondaı-aq, keńseden shyqpastan-aq «Egov.kz» porta­lynan qajetti suranysyn qana­ǵattandyryp jatqan azamattar qata­ry kún sanap artyp kele jatqanyn baıqap ta júrmiz.

Osy rette bıylǵy jyly ǵana Almaty qalasynyń Almaly aýdandyq №2 HQKO bólimshesi (Abylaı han dańǵyly, №74 «A» úı), Bostandyq aýdandyq №2 HQKO bólim­shesi (Babaev kóshesi, №33 úı), Jetisý aýdan­dyq №2 HQKO bólimshesi («Qulager» yqshamaýdany, №59 úı) jáne Túrksib aýdandyq №2 HQKO bólimshesi jabylyp úlgerdi.

Qoryta aıtqanda, qazir Alma­tyda 621 memlekettik qyzmet usynatyn memlekettik korpora­sıalardyń 13 maıdandyq-keńsesi jumys isteıdi.