Almatyda jýrnaldarǵa halyqaralyq ındeksteý kýáligi tapsyryldy.

«Ǵylym Ordasy» ǵımaratynda 4 birdeı akademıalyq jýrnal: «QR UǴA xabarshysy; QR UǴA xabarlary. Hımıa jáne texnologıa serıasy; QR UǴA xabarlary. Fızıka-matematıka serıasy; QR UǴA Habarlary. Geologıa jáne tehnıkalyq ǵylymdar serıasy» jýrnaldarynyń Clarivate Analytics (burynǵy Thomson Reuters) halyqaralyq málimetter bazasynda ındeksteý boıynsha kýálikti QR UǴA-na saltanatty tapsyrý rásimi boldy. Saltanatty jıyn AQSH-tyń Fıladelfıa qalasynda ornalasqan halyqaralyq Clarivate Analytics kompanıasynyń TMD jáne Reseı boıynsha dırektory – Oleg Ýtkınniń qatysýymen ótti. 2016 jyldyń 26 maýsymynda «QR UǴA Habarlary. Geologıa jáne tehnıkalyq ǵylymdar serıasy» jýrnaly halyqaralyq Scopus málimetter bazasyna engen bolatyn. Bul bedeldi halyqaralyq derekter bazasynda ındekstelgen Ortalyq Azıa respýblıkalarynyń ǵylym akademıasynyń akademıalyq basylymdary arasynda alǵashqy ǵylymı jýrnal. Bıyl ol Clarivate Analytics derekter bazasyna endi. 1946 jyldan bastap QR UǴA shyǵaratyn 8 ǵylymı jýrnal (QR UǴA baıandamalary; QR UǴA xabarshysy; QR UǴA xabarlary. Bıologıa jáne medısına serıasy; QR UǴA xabarlary. Fızıka-matematıka serıasy; QR UǴA Habarlary. Geologıa jáne tehnıkalyq ǵylymdar serıasy; QR UǴA xabarlary. Hımıa jáne texnologıa serıasy; QR UǴA xabarlary. Qoǵamdyq jáne gýmanıtarlyqǵylymdar serıasy; QR UǴA xabarlary. Agrarlyq ǵylymdar serıasy) HH ǵasyrdyń 60-70 jyldary joǵary reıtıńti ǵylymı jýrnaldardyń halyqaralyq reestrine engen jáne Qazaqstan ǵylymnyń kelbeti bolyp tabylady. 1960 jyldan bastap olar 73 shet elderdiń — AQSH, Ulybrıtanıa, Germanıa, Fransıa, Japonıa, ózge de elderdiń iri ulttyq kitaphanalaryna jiberilip keledi. Bul jýrnaldarǵa halyqaralyq reıtıń berý jáne iri Clarivate Analytics kompanıasynyń derekter bazasyna engizý jýrnaldardy búkilálemdik oqyrmandar aýdıtorıasyna alyp keledi jáne dáıeksóz alý kórsetkishterine aıtarlyqtaı paıda ákeledi, qazaqstandyq ǵalymdar, oqytýshylar men stýdentterge kóptegen materıaldar, aımaqtyq zertteý aqparattary men paıdaly siltemelerge jol ashyp, álemdik zertteýler salasyndaǵy aǵymdaǵy betalystardyń tolyq beınesin alýǵa múmkindik beredi.