Jastar arasynda qazaq kúresin keńinen nasıhattaý, ulttyq sport túrimen aınalysatyn jas sportshy­lardyń úlesin arttyrý maqsatynda Abaı atyndaǵy Qazaq ulttyq pedagogıkalyq ýnıversı­tetiniń 90  jyldyǵyna  oraı Almaty qalasyndaǵy JOO stýdentteri arasynda qazaq kúresinen  «Ýnıversıtet barysy»  jarysy ótkizildi. Jarys bilim ordasynyń kúrdeli jóndeýden ótip, jańadan tusaýy kesilgen sport kesheninde ótti.

Sharanyń ashylý saltanatynda sóz sóılegen ýnıversıtet rektory, profesor Takır  Balyqbaev bilim ordamyzdyń 90 jyldyǵy aıasynda uıym­dastyrylyp jatqan aýqymdy sharalaryǵa toqtalyp, barsha qatysýshylarǵa sáttilik tiledi. Sóz kezegin alǵan  sharanyń  arnaıy qonaqtary Qazaqstan Respýblıkasy Ulttyq qaýipsizdik komıtetiniń qurmetti qyzmetkeri, ulttyq sport óneriniń janashyry, general-leıtenant  Ádil Shaıahmetov,  Qazaqstannyń  eńbek sińirgen jattyqtyrýshysy, qazaq  kúresi federasıasynyń tuńǵysh  prezıdenti Erǵalı Muhıtdınov,  Almaty qalasy máslıhatynyń depýtaty, ýnıversıtetimizdiń Baqylaý keńesiniń múshesi Kenjehan Matyjanov,  QR «Dınamo» sport qoǵamy Ortalyq keńesi tóraǵasynyń orynbasary, KSRO jánge QR eńbek sińirgen jattyqtyrýshysy Marat  Qoshaev, QR eńbek sińirgen artısi Lúsıa Tóleshova sportshylarǵa jyly lebizderin bildirip, aldaǵy oıyndaryna jeńister tiledi.

Jarysqa qalamyzdyń  20  joǵary oqý ornynan 120-dan astam sportshy qatysyp, 60 kg., 74 kg. jáne 100 kg. salmaq dárejesi boıynsha kúsh synasty. Dodaǵa  halyqaralyq sanattaǵy tóreshiler tórelik etip, ádil baǵasyn berdi.

Jarys  qorytyndysy boıynsha 60 kg. salmaq dárejesi boıynsha 3-oryndy Qazaq sport jáne týrızm akademıasynyń palýany  Jambyl Madıar jáne Abaı atyndaǵy Qazaq ulttyq pedagogıkalyq ýnıversıtetiniń  palýany Yqyn Azamat ózara bólis­se,  2-oryndy  Qazaq sport jáne týrızm akademıa­synyń sportshysy Saǵatbek Samat qanjysyna baılady. Dál osy bilim ordasynyń palýany Ámiráli Jomart júldeli 1-oryndy jeńip aldy.

74 kg. salmaq dárejesi boıynsha «Narhoz» ýnıversıtetiniń  palýany  Ábdikárim Bolat  jáne Qazaq sport jáne týrızm akademıasynyń palýany Turarbek Almas  qola medal ıegerleri atandy. Qazaq sport jáne týrızm akademıasynyń eki birdeı palýany Davaev Davron jáne Elibaı Bıjan  kúmis jáne altyn medaldi jeńip aldy.

100 kg. salmaq dárejesi boıynsha «Qaınar» ýnıversıtetiniń stýdenti Jumabaı Janserik pen Qazaq sport jáne týrızm akademıasynyń stýdenti Orynbasar Kenesary 3-orynǵa ornalassa, 2-oryndy Qazaq sport jáne týrızm akademıasynyń palýany Janataev Erasyl jeńip aldy. Abaı atyndaǵy Qazaq ulttyq pedagogıkalyq ýnıversıtetiniń palýany Barah Meırambek júldeli 1-orynǵa ornalasyp, altyn medal ıegeri atandy. Sonymen qatar, Barah Meırambekke 100 kg. salmaq dárejesinde beldesken Qazaq KSR-niń eńbek sińirgen jattyqtyrýshysy, KSRO sport sheberi Amangeldi Ysmaǵulovtyń arnaıy júldesi men 100 000 teńge kóleminde aqshalaı syılyq tabystaldy.

Jalpy, qazaq kúresiniń júlde qory  İ orynǵa 150 000 teńgeni, İİ orynǵa  100 000 teńgeni, İİİ orynǵa 50 000 teńgeni qurady.

Úzdik óner kórsetken sportshylar «Jas palýan», «Shapshań palýan», «Jigerli palýan», «Qa­jyrly palýan», «Sheber palýan» nomınasıalarymen jáne baǵaly syılyqtarmen marapattaldy.

Barlyq qatysýshy sportshylar  men jarys barysyn ádil baǵalaǵan tóreshiler alqasy  baǵaly syılyqtar jáne Alǵys hattarmen marapattaldy.

Shara sońynda ýnıversıtet basshysy Takır Balyqbaev qara shańyraqtyń mereıli merekesi aıasynda tuńǵysh ret uıymdastyrylǵan bul sporttyq doda aldaǵy ýaqytta dástúrli sharaǵa aınalatyn­dyǵyna úlken senim bildirdi.