Ózbekstan bıligi memlekettik baj salyǵyn óndirip alýǵa jáne sheteldik valútadaǵy salyqtan tys tólemderdi óndirýge qatysty zań jobasyna ózgertýler engizdi. Bul jaıynda Qamshy.kz aqparat agenttigi Nuz.uz saıtyna silteme jasap habarlaıdy.

Atap aıtqanda, shetel Ózbekstanǵa kelgen árbir shetel azamattary men sol eldiń azamattyǵy joq tulǵalar 30 kúnge deıin ýaqytsha tirkeýge turǵansha ár kúnine salyq tóleıdi. Salyq mólsheri Ózbekstandaǵy aılyq eseptik kórsetkishtiń 2 paıyzyn, ıaǵnı 3445 somdy quraıdy. Bul ýaqytqa deıin ýaqytsha tirkeýge turý quny 20 dollar edi, Ózbekstanǵa kelgen shetel azamattary nemese sol eldiń azamattyǵy joq tulǵalar qansha ýaqyt tursa da 20 dollar tóleýge mindetteletin.

Aıta keteıik, zańnamadaǵy bul ózgerister TMD elderiniń azamattaryna da qatysty. Endigi kezekte TMD elderiniń azamattary 30 kúnge deıin ýaqytsha tirkeýge turǵansha kúnine 3445 som tóleýge mindetteledi. Osy ýaqytqa deıin olar 3 kúnnen 6 aıǵa deıin ýaqytsha tirkeýge turý úshin 5 dollar tóleıtin.

Komıtet ókilderiniń aıtýynsha, Ózbekstanǵa keletin TMD elderi azamattarynyń kópshiligi bir apta nemese on kúnge týystary men jaqyndaryn kórýge keledi eken.