Arqalyqta oqýshylar mazardyń kúl-talqanyn shyǵardy. Bul týraly Qostanaı oblysy İİD habarlady.
Mazardyń talqandalǵany jaıly Arqalyq turǵyndary aıtqan. Marqum týystarynyń beıit basyna barǵan olar tastardyń qulap, topyraqtyń shashylyp jatqanyn baıqaıdy.
Vedomstvoda málimdelgendeı, atalmysh faktige baılanysty QR QK-niń 314 babyna sáıkes «Ólgenderdiń denelerin jáne jerleý oryndaryn teris paıdalaný» aıyby boıynsha sotqa deıingi tergeý jumystary júrgiziledi.
«Jedel-izdestirý sharalaryn júrgizý barysynda sol kúni-aq Arqalyqtaǵy orta mekteptiń 11 jastaǵy eki oqýshysy moıyndaý túsiniktemesin berdi», - dep habarlady ishki ister departamentinde.
Qazirgi ýaqytta tergeý jumystary jalǵasyp jatyr, sonyń nátıjesinde shyǵyn mólsheri anyqtalady.
