Elbasy Nursultan Nazarbaev OQO ákimi Janseıit Túımebaevqa sıfrlandyrý jobalaryn tezirek damytýǵa tapsyrma berdi, dep jazady Qamshy.kz aqparat agenttigi Tengrinews.kz saıtyna silteme jasap.

«Eger adamdardy búgin daıyndamasańyzdar, erteń olar kóshke ilese almaı qalady. Eshqandaı da renish bolmaýy kerek, ásirese jumysqa qabyldanar sátte. OQO-da eden jýýshy bolyp jumysqa kirý úshin de para berý qajet. Mundaı jaǵdaı basqa oblystarda joq, tek senderde ǵana bar», - dedi Elbasy OQO ákimi Janseıit Túımebaevqa.

«Árıne, halyq kóp, jumyssyzdyq ta soǵan oraı aımaqta basym bolýy múmkin. Biraq, eger sender jer berý máselesinde, mektepke adamdardy jumysqa qabyldaý kezinde jáne emhanalarda ashyq túrde jumys istemeseńder, kóshten qalyp qoıasyńdar. Naqty nátıje degen – negatıvti faktilerdi joıý», - dep aıtyp ótti Elbasy.

Aıta keteıik, búgin Astanada Nursultan Nazarbaevtyń qatysýymen «Nur Otan» partıasynyń Saıası keńesiniń keńeıtilgen otyrysy ótýde.