Memleket basshysy Nursultan Nazarbaev Ońtústik Qazaqstan oblysynda zorlandy degen balanyń oqıǵasyna qatysty pikir bildirdi.

"Qaýipsizdik Keńesinde Ońtústik Qazaqstan obylysynda jeti jasar balany joǵarǵy synyp oqýshylarynyń zorlaǵany jaıly aıtyldy. Bul oqıǵany kópshiliktiń nazaryna ilikti. Alaıda eshkim eshteńeni dáleldeı almady. Nege ekenin bilesizder me? Sebebi, polısıa – týystary, organdaǵylar da – týysary. Odan da joǵary laýazymdaǵylar – taǵy týystary. İsti jabý úshin bári daıyn tur. Nege zań buzylyp jatyr?", – dedi Elbasy. 

Eske sala keteıik, OQO-daǵy Saryaǵash aýylynda joǵary synyp oqýshylary zorlady degen jeti jastaǵy balanyń oqıǵasy qoǵamdy dúrliktirdi. Balanyń ájesi quzyrly organdarǵa nemeresiniń bes aı boıy zorlanyp kelgenin aıtqan. Alaıda bul is dáleldenbedi. Sebebi aýdadyq bilim bólimi "saraptama nátıjeleri balanyń zorlanǵanyn joqqa shyǵardy" dep habarlady. Balalardyń quqyǵyn qorǵaý jónindegi ýákil Zaǵıpa Bálıeva tergeý júrgizilip jatqanyn málimdedi.