QR Elbasy Nursultan Nazarbaev búgingi «Nur Otan» partıasynyń Saıası keńesiniń keńeıtilgen jınalysynda stýdentterge jataqhana salý máselesine toqtalyp ótti.

«Bul ıdeıa maǵan qaıdan keldi? Men qalany aralap júrip stýdentterdiń bazarlardaǵy lashyqtarda kúneltip júrgenderin kórdim, olar tek túnep shyqsa boldy. Sabaq oqýǵa da, durystap jýynýǵa da eshqandaı jaǵdaı jasalmaǵan. Endeshe bizde bilim salasy qalaı damıdy? Mundaı jaǵdaı tek Astanada ǵana emes, barlyq jerde bar. Qalada ata-anasymen birge turyp ýnıversıtetke baratyn stýdentter bar, sonymen qatar basqa qaladan kelgen stýdentter de jeterlik», - dep aıtyp ótti Elbasy.

«Meniń oıymsha, jastarǵa sapaly bilim berý úshin aldymen olarǵa jaqsy jaǵdaı jasaý qajet. Jazda stýdentter otrádyn uıymdastyrsaq qalaı bolady? Keıin ózderi turatyn jerdiń jumysyna atsalysqan olarǵa da unaıdy dep oılaımyn. Sapasyn da, qurylystyń qarnynyn da ózderi baqylap júretin bolady», - deıdi Nursultan Nazarbaev.

Aıta keteıik, búgin Astana qalasynda «Nur Otan» partıasynyń Saıası keńesiniń keńeıtilgen jınalysy ótýde.