Arqalyq polısıasy mazardyń talqandalǵany jaıynda jalǵan aqparat taratqan 33 jastaǵy turǵynǵa qatysty is qozǵady. Qazirgi ýaqytta sotqa deıingi tergeý júrgizilip jatyr. Bul týraly Qostanaı oblystyq İİD habarlady.
30 mamyrda WhatsApp-ta «mazarlardy sheteldikter qazyp tastapty» degen aqparat taralǵan. Polıseıler aqparat taratqan adam 33 jastaǵy Arqalyqtyń turǵyny ekenin anyqtady.
«Jelide taralǵan jalǵan aqparatqa baılanysty 33 jastaǵy áıelge qatysty QR QK 274-baby, 2-bólimi, 3-pýnktindegi «Telekomýnıkasıa jelilerin paıdalanyp, jalǵan aqparattardy taratý» boıynsha sotqa deıingi tergeý bastaldy. Bap sanksıasy bes myńǵa deıingi aılyq eseptik kórsetkish mólsherinde aıyppul túrindegi nemese eki jyldan bes jylǵa deıin bas bostandyǵynan aıyrý jazasyn kózdeıdi», - delingen İİD baspasóz habarlamasynda.
Buǵan qosa, polısıa turǵyndardy dáleldenbegen aqparattardy taratpaýǵa shaqyrdy.
Eske sala keteıik, budan buryn mektep oqýshylary Arqalyqtaǵy mazardyń kúl-talqanyn shyǵarǵany jaıly habarlanǵan. Oqıǵa 25 mamyrda Ashýtasty aýylynda bolǵan. Polısıa Arqalyqtyń 2007 jylǵy eki oqýshysyn anyqtap, olar kinálaryn moıyndaǵan.
