Reseı men Qazaqstanǵa eksporttalatyn ózbekstandyq avtokólikterdiń baǵasy artady. Bul jaıynda Spýtnık Ózbekstan habarlady.
Ózbekstannan shetelge avtokólikter Ravon belgisimen eksporttalady.
«Ýzavtosanoat» basshysy Ýmıdjan Salımtyń aıtýynsha, búginde kompanıa shetelge shyǵatyn avtokólikterdiń baǵasyn ózgertýdi qarastyryp jatyr. Atalǵan jumys bir aı boıy júrýi múmkin.
— Eksportqa shyǵatyn ónimniń baǵasy qymbattaıdy. Bizdiń baǵamyz barlyq el úshin birdeı. Sondyqtan ol Reseıde de, Qazaqstanda da jáne basqa da elderde birdeı bolady. Joba boıynsha baǵa 10, 15, 20, 25 paıyzǵa ósedi, - dedi kompanıa basshysy.
