Aýǵanstanda osydan 30 jyl buryn iz-tússiz joǵalyp ketken sovet áskerı ushqyshy tiri tabyldy. Bul týraly RIA Novostı Reseı desantshylar odaǵynyń basshysy Valerıı Vostrotınge silteme berip habarlaıdy.

«Bul adam sengisiz – ǵajaıyp. Endi ol qarjylyq kómekten bólek, ákimshilik, qoǵamdyq uıymdardyń kómegine muqtaj», - dep atap ótti ol.

Ushqyshtyń esimi – Aleksandr Mıronov. Keıbir derekterge súıensek, ushqysh mingen sovet ushaǵyn 1987 jyly Aýǵanstanda áýeden atyp túsirgen. "Boevoe bratstvo" ardagerlerdiń halyqaralyq qaıyrymdylyq qory ókilderiniń agenttikke aıtýynsha, Aýǵanstanda joǵalyp ketken ushqysh týraly aqparatty Reseıge AQSH bergen. Biraq áskerı tutqyndar jónindegi reseı-amerıkalyq komısıa ókili Aleksandr Kırılın "RIA Novostı" agenttigine Máskeý Vashıngtonnan áýeden atyp túsirilgen sovet ushqyshy týraly eshqandaı aqparat alǵan joq dep málimdegen.

Vostrotınniń sózinshe, ushqyshtyń jaǵdaıy jýyrda ótken «Jaýynger baýyrlar - Battle brotherhood» - «Jaýynger qaryndastar - Battle Sisterhood» marapatyn tabystaý rásiminde Aýǵanstan ókilderimen talqylanǵan.

1979 jyldyń sońynda saıası kúshter arasynda janjal óristep turǵan Aýǵanstanǵa Sovet ókimeti ásker kirgizgen. Olarǵa qarsy soǵysqan "mudjahedterge" batys elderi qoldaý tanytqan. Sovet áskeri Aýǵanstannan 1989 jyly shyǵarylǵan. On jyldyń ishinde Aýǵanstanda, resmı esep boıynsha, 14 myń sovet jaýyngeri qaza tapqan. Bul soǵysqa Qazaq SSR-inen aparylǵan 22 myń sarbazdyń 924-i mert bolyp, myńnan astamy múgedek bolyp oralǵan. 21 qazaqstandyq habar-osharsyz ketken