2018 jyldyń 8 mamyr kúni Bashkól aýylynda Uly Otan soǵysy ardagerlerine arnalǵan «Uly Otan soǵysynyń qurbandary júregimizde» attymemorıaldyq taqtanyń ashylý saltanaty ótti. Bıiktigi 7 metrdi, uzyndyǵy 10 metrdi quraǵan eskertkish aýyl mektebiniń janynda ornalasqan jáne onda 300 Uly Otan soǵysyna qatysýshylardyń esimi jazylǵan. Eskertkishtiń ashylýyna aýdan turǵyndary, jergilikti bılik ókilderi jáne elimizdiń árbir jerinen kelgen maıdangerlerdiń týystary qatysty.

Saltanatty jıyn aýdan ákimi D. Batyrbaevtyń, aýyldyń qurmetti aqsaqaldarynyń quttyqtaý sózimen ashyldy.  Quttyqtaý sózderden keıin avtorlary osy aýyldyń týmalary boyp keletin  Rýslan Nasyrov pen Lúsıa Hamıtovanyń  «Ákeler rýhyna taǵzym» atty kitaptyń tusaýkeseri uıymdastyryldy.  Ardagerlerdiń maıdanda kórsetken erlikterine arnalyp memorıaldyq taqtanyń ashylýy jáne eskertkishke gúl shoqtary qoıyldy.

Soǵysta qaza tapqan jaýyngerler rýhany taǵzym etilip, metronom únimen 1 mınýt únsizdik jarıalandy.

Eskertkishtiń ashylýyna belsendi at salysqan turǵyndarǵa aýdan ákiminiń atynan alǵys hattar tabys etildi.

İs-shara barysynda Astana qalasynyń 20-jyldyǵyna, Besqaraǵaı aýdanynyń 90-jyldyǵyna jáne eskertkitiń ashylý saltanatyna oraı, memorıaldyq taqtanyń mańynda qonaqtarmen jáne aýyl turǵyndarymen 20 túp shyrsha aǵashtary otyrǵyzyldy.

İs-shara aýdandyq Mádenıet úıi ártisteriniń konserttik baǵdarlamasymen aıaqtaldy.